ശബരിമല ദര്‍ശനത്തിന് സുരക്ഷ തേടി രഹന ഫാത്തിമ നല്‍കിയ റി​ട്ട് ഹ​ര്‍​ജി സുപ്രീം കോടതി വെള്ളിയാഴ്ച പരിഗണിക്കും. ചീഫ് ജസ്റ്റിസ് എസ്‌എ ബോബ്‌ഡെയുടെ അധ്യക്ഷതയിലുള്ള മൂന്നംഗബെഞ്ചാണ് കേസ് പരിഗണിക്കുന്നത്.

ഒ​ന്നാ​മ​ത്തെ കോ​ട​തി​യി​ല്‍ 27 ാം ഹ​ര്‍​ജി​യാ​യാ​ണ് ര​ഹ്ന ഫാ​ത്തി​മ​യു​ടെ റി​ട്ട് ഹ​ര്‍​ജി ലി​സ്റ്റ് ചെ​യ്തി​രി​ക്കു​ന്ന​ത്. എ​ന്നാ​ല്‍ ര​ഹ്ന ഫാ​ത്തി​മ​യു​ടെ റി​ട്ട് ഹ​ര്‍​ജി​ക്കൊ​പ്പം ബി​ന്ദു അ​മ്മി​ണി​യു​ടെ അ​പേ​ക്ഷ​യും കേ​ള്‍​ക്കു​മോ​യെ​ന്ന കാര്യം വ്യ​ക്ത​മ​ല്ല.

നേ​ര​ത്തെ ര​ഹ്ന ഫാ​ത്തി​മ​യു​ടെ ഹ​ര്‍​ജി​ക്കെ​തി​രെ അ​ഖി​ല ഭാ​ര​തീ​യ അ​യ്യ​പ്പ ധ​ര്‍​മ്മ പ്ര​ചാ​ര സ​ഭ ത‌​ട​സ ഹ​ര്‍​ജി ഫ​യ​ല്‍ ചെ​യ്തി​രു​ന്നു. ത​ങ്ങ​ളു​ടെ വാ​ദം കേ​ള്‍​ക്കാ​തെ ഇ​ട​ക്കാ​ല ഉ​ത്ത​ര​വ് പു​റ​പ്പെ​ടു​വി​ക്ക​രു​തെ​ന്ന് ആ​വ​ശ്യ​പ്പെ​ട്ടാ​ണ് ത​ട​സ ഹ​ര്‍​ജി.

കഴിഞ്ഞ മണ്ഡലകാലത്ത് രഹന ഫാത്തിമ ശബരിമല ദര്‍ശനത്തിനെത്തിയത് വന്‍ സംഘര്‍ഷത്തിനാണ് വഴിയൊരുക്കിയത്. പൊലീസിന്റെ ഹെല്‍മെറ്റ് ധരിപ്പിച്ച്‌ ശബരിമല സന്നിധാനത്തേക്ക് എത്തിക്കാനായിരുന്നു പൊലീസ് ശ്രമിച്ചത്. വിവരം അറിഞ്ഞ ഭക്തര്‍ തമ്ബടിച്ച്‌ തടഞ്ഞതോടെ ശബരിമല സംഘര്‍ഷഭൂമിയായി.

പ്രശ്‌നം വഷളായതോടെ രഹന ഫാത്തിമയെ ദര്‍ശനം നടത്താന്‍ അനുവദിക്കാതെ തിരിച്ച്‌ അയക്കുകയായിരുന്നു. സംഭവത്തില്‍ മതവികാരം വ്രണപ്പെടുത്താന്‍ ശ്രമിച്ചു എന്നാരോപിച്ച്‌ രഹന ഫാത്തിമക്കെതിരെ കേസും എടുത്തിരുന്നു. ബിഎസ്‌എന്‍എല്‍ ജീവനക്കാരിയായ രഹന ഫാത്തിമക്കെതിരെ സ്ഥലംമാറ്റ നടപടിയും സര്‍ക്കാര്‍ എടുത്തിരുന്നു.