വീസ വാഗ്ദാനംചെയ്ത് ഡോക്ടറുടെ പക്കല്‍ നിന്നും 13 ലക്ഷം തട്ടിയെടുത്തു
പയ്യന്നൂരിനടുത്ത് കാങ്കോല്‍ കുണ്ടയംകൊവ്വലിലെ കാവേരി ഹൗസില്‍ ഡോ.നിധിന്റെ പരാതിയിന്മേല്‍ വഞ്ചനാകുറ്റത്തിന് ആന്‍ഡ്രിയാസ് കെ.മാസി എന്നയാള്‍ക്കെതിരേ പോലീസ് കേസെടുത്തു. വീസ വാഗ്ദാനം ചെയ്ത് ഡോക്ടറുടെ 13 ലക്ഷം രൂപ തട്ടിയെടുത്തെന്നാണ് പരാതി.
ആന്‍ഡമാനിലെ ബാഫര്‍ അക്കാഡമിയില്‍ സ്പോക്കണ്‍ ഇംഗ്ലീഷ് പഠിക്കുന്നതിനിടയിലാണ് അക്കാഡമിയുടമയായ ആന്‍ഡ്രിയാസ് കെ.മാസി എന്നയാള്‍ ആസ്ട്രേലിയയില്‍ വീസ ശരിയാക്കി നല്കാമെന്ന് വാഗ്ദാനം ചെയ്ത് പണം വാങ്ങിയത്.
സീനിയര്‍ റിസര്‍ച്ച് ഫെലോ ആയി ആന്‍ഡമാന്‍ നിക്കോബാര്‍ ദ്വീപ സമൂഹത്തിലെ പോര്‍ട്ട് ബ്ലെയര്‍ ചക്രഗാണിലെ റീജിയണല്‍ റിസര്‍ച്ച് സെന്റര്‍ ഓഫ് ആയുര്‍വേദയില്‍ ജോലി ചെയ്തു വരവേയാണ് ഡോ.നിധിന്‍ കബളിപ്പിക്കപ്പെട്ടത്.
പോര്‍ട്ട് ബ്ലെയറിലെ ഐഡിബിഐ ബാങ്കിന്റെ അക്കൗണ്ട് മുഖേനയാണ് പലതവണകളായി പണം നല്‍കിയത്.
പണം കൈപ്പറ്റിയശേഷം വീസ നല്‍കാതെ വഞ്ചിച്ചുവെന്ന പരാതിയിലാണ് പോലീസ് കേസെടുത്തത്.
https://www.facebook.com/Malayalivartha
