കേരള സര്‍ക്കാരിന്റെ വിന്‍ വിന്‍ ലോട്ടറിയുടെ 65 ലക്ഷം കാഞ്ഞിരപ്പള്ളി വിഴിക്കത്തോട് സ്വദേശി മധുസൂദനന്‍ പിള്ളയ്ക്ക് ലഭിച്ചു. സംസാരശേഷിയും കേള്‍വിശക്തിയുമില്ലാത്ത ആളാണ് മധുസൂദന്‍ പിള്ള.

വിഴിക്കത്തോട്ടില്‍ നാലു വര്‍ഷമായി തയ്യല്‍ക്കട നടത്തുന്ന മധു ഇവിടത്തെതന്നെയുള്ള സൗഭാഗ്യ ലോട്ടറി ഏജന്‍സിയില്‍നിന്നെടുത്ത ഡബ്ല്യുജി 318106 എന്ന ടിക്കറ്റിനാണ് സമ്മാനം ലഭിച്ചത്.

മകളെ കെട്ടിച്ചയച്ച വകയിലെ കടബാധ്യതകള്‍ തീര്‍ത്ത് സ്വന്തമായി ഒരു വീടും തയ്യല്‍ക്കടയും സ്ഥാപിക്കണമെന്നാണ് തന്റെ ആഗ്രഹമെന്ന് മധുസൂദനന്‍ പറയുന്നു. ഇപ്പോള്‍ കുടുംബവീട്ടില്‍ അമ്മയോടും അനുജനോടുമൊപ്പമാണ് മധുസൂദനന്‍ താമസിക്കുന്നത്. സമ്മാനാര്‍ഹമായ ടിക്കറ്റ് കോര്‍പറേഷന്‍ ബാങ്കിന്റെ കാഞ്ഞിരപ്പള്ളി ശാഖയില്‍ ഏല്പിച്ചു.