ഷഹല ഷെറിന് പാമ്പുകടിയേറ്റ് മരിച്ച സംഭവം; അധ്യാപകർക്ക് വീഴ്ച സംഭവിച്ചെന്ന് പൊലീസ്; ജാമ്യാപേക്ഷ നാളെ വീണ്ടും ഹൈക്കോടതി പരിഗണിക്കും
വയനാട് ബത്തേരിയില് സർവ്വജന സ്കൂളിലെ ഷഹല ഷെറിന് പാമ്പുകടിയേറ്റ് മരിച്ച സംഭവത്തില് കുട്ടിക്ക് ചികിത്സ നൽകുന്നതിൽ അധ്യാപകർക്ക് വീഴ്ച സംഭവിച്ചെന്ന് പൊലീസ് പറഞ്ഞു. ഇതു സംബന്ധിച്ച് അന്വേഷണ ഉദ്യോഗസ്ഥൻ ഹൈക്കോടതിയില് വിശദീകരണം നൽകുകയുണ്ടായി. അധ്യാപകരുടെ മുൻകൂർ ജാമ്യാപേക്ഷയിൽ കോടതി അന്വേഷണ സംഘത്തിന്റെ വിശദീകരണം തേടി. ഇതിനുള്ള മറുപടിയായാണ് മാനന്തവാടി എഎസ്പി വൈഭവ സക്സേന റിപ്പോർട്ട് നൽകിയത്.
കേസില് അധ്യാപകരുടെയും ഡോക്ടറുടെയും ജാമ്യാപേക്ഷ നാളെ വീണ്ടും ഹൈക്കോടതി പരിഗണിക്കും. കേസിലെ പ്രതികളും അധ്യാകരുമായ കെവി ഷജിൽ, വൈസ് പ്രിൻസിപ്പാൾ കെകെ മോഹൻ, കുട്ടിയെ ചികിത്സിച്ച മാനന്തവാടി താലൂക്ക് ആശുപത്രിയിലെ ഡോക്ടര് എന്നിവർ സമർപ്പിച്ച മുൻകൂർ ജാമ്യഹർജിയാണ് കോടതി പരിഗണിക്കുക.
https://www.facebook.com/Malayalivartha