12 വര്ഷത്തെ കാത്തിരിപ്പും വിഫലമായി.... വര്ഷങ്ങളുടെ കാത്തിരിപ്പിനൊടുവില് ഇരട്ടകള് പിറക്കാന് പോകുന്നുവെന്ന സന്തോഷത്തിന് അധികം ആയുസ്സുണ്ടായില്ല, ഇരട്ടക്കുട്ടികള് ജനിച്ചത് ജീവനില്ലാതെ, പിന്നാലെ അമ്മയും കണ്ണടച്ചു
12 വര്ഷത്തെ കാത്തിരിപ്പും വിഫലമായി. ഒരു കുഞ്ഞിക്കാല് കാണാന് 12 വര്ഷത്തോളം കാത്തിരുന്നു ഒടുവില് ഇരട്ടകള് പിറക്കാന് പോകുവെന്ന സന്തോഷമായിരുന്നു കുടുംബത്തിന്. പക്ഷേ, ആ സന്തോത്തിന് അധികം ആയുസ്സുണ്ടായില്ല. മാസംതികയുംമുമ്പേ അവര് പിറന്നു ജീവനില്ലാതെ. പിറന്ന് ഏഴുമണിക്കൂറിനകം അമ്മയും കണ്ണടച്ചു. തലയോലപ്പറമ്പ് മണിമന്ദിരത്തില് ഇ.കെ.കൃഷ്ണന്റെ ഭാര്യ വീണയാണ്(41), മാസംതികയാതെ പിറന്ന കുഞ്ഞുങ്ങള് മരിച്ച് അധികം കഴിയും മുമ്പേ മരണത്തിന് കീഴടങ്ങിയത്.
അഞ്ചുമാസം ഗര്ഭിണിയായ വീണയ്ക്ക് തിങ്കളാഴ്ച ഉച്ചയോടെയാണ് കഠിനമായ വയറുവേദനയുണ്ടായത്. മൂവാറ്റുപുഴയില് സ്വകാര്യ ആശുപത്രിയില് പ്രവേശിപ്പിച്ചു. വേദനയ്ക്ക് ശമനമില്ലാതായതോടെ ശസ്ത്രക്രിയ നടത്തി. ചൊവ്വാഴ്ച പുലര്ച്ചെ രണ്ടിന്, മരിച്ച കുട്ടികളെ പുറത്തെടുത്തു. രക്തസ്രാവംമൂലം അമ്മയും ഗുരുതരനിലയിലായി. ചേരാനെല്ലൂരിലുള്ള സ്വകാര്യ ആശുപത്രിയില് പ്രവേശിപ്പിച്ചെങ്കിലും ചൊവ്വാഴ്ച രാവിലെ ഒന്പതിന് വീണയും മരിച്ചു.
"
https://www.facebook.com/Malayalivartha