കൗമാരക്കാരിയെ പീഡിപ്പിച്ച ബന്ധുവിനെ പോക്സോ നിയമപ്രകാരം അറസ്റ്റ് ചെയ്തു
കൗമാരക്കാരിയായ വിദ്യാര്ത്ഥിനിയെ പീഡിപ്പിച്ച ബന്ധു കണ്ണൂര് ചെറുപുഴയില് പോക്സോ നിയമപ്രകാരം അറസ്റ്റിലായി. മുതുവം സ്വദേശി ബേബി ഡൊമിനിക്കിനെയാണ് പോക്സോ നിയമപ്രകാരം ചെറുപുഴ പൊലീസ് അറസ്റ്റ് ചെയ്തത്.
പതിനാറുകാരിയായ വിദ്യാര്ഥിനി ഓണാവധിക്ക് ശേഷം സ്കൂളില് പോകാന് മടികാണിച്ചിരുന്നു. കഴിഞ്ഞ കുറച്ചു ദിവസമായി സ്കൂളില് പോകാന് തീര്ത്തും കൂട്ടാക്കാതിരുന്നതോടെയാണ് മാതാപിതാക്കള്ക്ക് സംശയമുണ്ടായത്. പെണ്കുട്ടിയുടെ സ്വഭാവത്തില് മാറ്റങ്ങള് ശ്രദ്ധയില് പെടുകയും ചെയ്തതോടെ ബന്ധുക്കള് ചൈല്ഡ്ലൈന് പ്രവര്ത്തകരെ വിവരമറിയച്ചു. തുടര്ന്ന് നടത്തിയ കൗണ്സിലിങിലാണ് പെണ്കുട്ടി പീഡനവിവരം തുറന്നു പറഞ്ഞത്. ഇതോടെ ചൈല്ഡ് ലൈന് തന്നെ വിവരം പൊലീസിനെ അറിയിച്ചു.
ചെറുപുഴ എസ്ഐയുടെ നേതൃത്വത്തിലുള്ള സംഘം ജില്ലാ പൊലീസ് മേധാവിയുടെ നിര്ദ്ദേശപ്രകാരമാണ് ഇന്നലെ രാത്രി ബേബിയെ കസ്റ്റഡിയിലെടുത്തത്. വിശദമായ ചോദ്യം ചെയ്യലിനുശേഷമാണ് അറസ്റ്റ് രേഖപ്പെടുത്തിയത്. പെണ്കുട്ടിയുടെ വീട്ടിലെ നിത്യസന്ദര്ശകനായിരുന്നു ബേബി. വീട്ടില് മറ്റാരുമില്ലാതിരുന്ന സമയത്തായിരുന്നു പീഡനം. വിവരം പുറത്തു പറഞ്ഞാല് കൊന്നുകളയുമെന്ന് ഭീഷണിപ്പെടുത്തി. മൂന്നു കുട്ടികളുടെ പിതാവാണ് ബേബി. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
https://www.facebook.com/Malayalivartha
