വിദ്യാര്ഥികള്ക്കു നേരെയുണ്ടാകുന്ന കടന്നാക്രമണം അസഹിഷ്ണുതയുടെ അഴിഞ്ഞാട്ടമാണ്... ജവഹര്ലാല് നെഹ്റു സര്വകലാശാലയില് മുഖംമൂടി സംഘം നടത്തിയ ആക്രമണത്തെ അപലപിച്ച് മുഖ്യമന്ത്രി
ജവഹര്ലാല് നെഹ്റു സര്വകലാശാലയില് മുഖംമൂടി സംഘം നടത്തിയ ആക്രമണത്തെ അപലപിച്ച് മുഖ്യമന്ത്രി പിണറായി വിജയന്. വിദ്യാര്ഥികള്ക്കു നേരെയുണ്ടാകുന്ന കടന്നാക്രമണം അസഹിഷ്ണുതയുടെ അഴിഞ്ഞാട്ടമാണെന്നും നാസി മാതൃകയില് ആക്രമിച്ചവര് രാജ്യത്ത് അരക്ഷിതാവസ്ഥയും കലാപവും സൃഷ്ടിക്കാന് ഇറങ്ങിയവരാണെന്നും മുഖ്യമന്ത്രി കുറ്റപ്പെടുത്തി.
വിദ്യാര്ഥികള്ക്കു നേരെയുണ്ടാകുന്ന കടന്നാക്രമണം അസഹിഷ്ണുതയുടെ അഴിഞ്ഞാട്ടമാണ്. ജവഹര്ലാല് നെഹ്റു സര്വകലാശാല കാന്പസില് വിദ്യാര്ഥികളെയും അധ്യാപകരെയും നാസി മാതൃകയില് ആക്രമിച്ചവര് രാജ്യത്ത് അരക്ഷിതാവസ്ഥയും കലാപവും സൃഷ്ടിക്കാന് ഇറങ്ങിയവരാണ്. ആക്രമണത്തില് ഗുരുതര പരിക്കേറ്റ വിദ്യാര്ഥി യൂണിയന് പ്രസിഡന്റിനെ ആശുപത്രിയില് കൊണ്ടുപോയ ആംബുലന്സ് തടയാന് എബിവിപിക്കാര് തയാറായി എന്ന വാര്ത്ത കലാപ പദ്ധതിയുടെ വ്യാപ്തി സൂചിപ്പിക്കുന്നതാണെന്നു മുഖ്യമന്ത്രി ചൂണ്ടിക്കാട്ടി.
ഭീകര സംഘത്തിന്റെ സ്വഭാവമാര്ജിച്ചാണ് കാന്പസില് മാരകായുധങ്ങളുമായി അക്രമി സംഘം എത്തിയത്. കാന്പസുകളില് രക്തം വീഴ്ത്തുന്ന വിപത്കരമായ ഈ കളിയില്നിന്ന് സംഘ പരിവാര് ശക്തികള് പിന്മാറണം. വിദ്യാര്ഥികളുടെ ശബ്ദം ഈ നാടിന്റെ ശബ്ദമാണെന്ന് തിരിച്ചറിഞ്ഞാല് നല്ലതെന്നും മുഖ്യമന്ത്രി പറഞ്ഞു.
"
https://www.facebook.com/Malayalivartha
