തലസ്ഥാനത്തെ ഞെട്ടിച്ച് വീണ്ടും ക്രൂര കൊലപാതകം. തിരുവനന്തപുരം കാരക്കോണത്ത് യുവതിയെ കാമുകന്‍ കഴുത്തറുത്തു കൊലപ്പെടുത്തിയശേഷം യുവാവ് ആതമഹത്യക്ക് ശ്രമിച്ചു. കാറക്കോണം സ്വദേശി അഷിത(22) ആണ് കൊല്ലപ്പെട്ടത്. അഷിതയുടെ ആൺസുഹൃത്ത് അനുവാണ് കൊല നടത്തിയത്. അഷിതയെ കൊലപ്പെടുത്തിയ ശേഷം കഴുത്തിൽ മുറിവേൽപ്പിച്ച് ആത്മഹത്യക്ക് ശ്രമിച്ച അനുവിനെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ച യുവാവും മരണത്തിന് കീഴടങ്ങി. കോളജ് വിദ്യാർഥിയായ അഷിതയും അനുവും തമ്മിൽ പ്രണയത്തിലായിരുന്നു. ഇന്ന് രാവിലെ പെൺകുട്ടിയുടെ വീട്ടിൽ അതിക്രമിച്ച് കയറിയ പ്രതി അഷിതയെ കടന്നുപിടിച്ച് കഴുത്തറുക്കുകയായിരുന്നു. സംഭവം നടക്കുേമ്പാൾ പെൺകുട്ടിയുടെ മാതാവ് മാത്രമാണ് വീട്ടിലുണ്ടായിരുന്നത്. അഷിതയെയും ആത്മഹത്യക്ക് ശ്രമിച്ച അനുവിനെയും നാട്ടുകാർ ചേർന്ന് ആശുപത്രിയിൽ പ്രവേശിപ്പിച്ചു. എന്നാൽ അഷിതയെ രക്ഷപ്പെടുത്താനായില്ല.