കാസര്കോട് നിന്നും പെണ്കുട്ടിയെ തട്ടിക്കൊണ്ട് പോയി പീഡിപ്പിച്ച സംഭവത്തില് പ്രതിക്കെതിരെ നിരവധി ആരോപണങ്ങള്, പ്രണയം നടിച്ച് പെണ്കുട്ടിയെ ബാംഗ്ലൂരിലേക്ക് പ്രതി ടി.കെ റിഷാബ് തട്ടിക്കൊണ്ട് പോവുകയായിരുന്നെന്നും അവിടെ വെച്ച് ബലാല്സംഗം ചെയ്തെന്നും മതപരിവര്ത്തനം നടത്താന് നിര്ബന്ധിച്ചെന്നുമാണ് കേസ്
കാസര്കോട് നിന്നും പെണ്കുട്ടിയെ തട്ടിക്കൊണ്ട് പോയി പീഡിപ്പിച്ച സംഭവത്തില് പ്രതിക്കെതിരെ നിരവധി ആരോപണങ്ങള്. പ്രണയം നടിച്ച് പെണ്കുട്ടിയെ ബാംഗ്ലൂരിലേക്ക് പ്രതി ടി.കെ റിഷാബ് (23) തട്ടിക്കൊണ്ട് പോവുകയായിരുന്നെന്നും അവിടെ വെച്ച് ബലാല്സംഗം ചെയ്തെന്നും മതപരിവര്ത്തനം നടത്താന് നിര്ബന്ധിച്ചെന്നുമാണ് കേസ്. പെണ്കുട്ടിയും വീട്ടുകാരും പുതുതായി പരാതികള് നല്കിയതോടെയാണ് വീണ്ടും കേസെടുത്തത്. സംഭവത്തെ കുറിച്ച് അന്വേഷിക്കാന് കര്ണാടക പൊലീസ് കാസര്കോട് എത്തി. പാലക്കാട് പെരിന്തല്മണ്ണ ചെറുപ്പളശ്ശേരിയിലെ ടി കെ റിഷാബിനെതിരെ കാസര്കോട് ടൗണ് പൊലീസ് ഡിസംബര് 31നാണ് ബലാത്സംഗത്തിനു കേസെടുത്ത് അറസ്റ്റു ചെയ്തത്.
ഉഡുപ്പി എം.പിയും ബി ജെ പി നേതാവുമായ ശോഭ കരന്തലാജെയോടൊപ്പം പെണ്കുട്ടി മുഖ്യമന്ത്രി യദ്യൂരപ്പയെ കണ്ട് പുതിയ പരാതി നല്കിയതോടെയാണ് കേസില് പുതിയ വഴിത്തിരിവുകളുണ്ടായത്. തുടര്ന്ന് ബാംഗ്ലൂര് പരപ്പന അഗ്രഹാര പൊലീസ് സ്റ്റേഷനില് കേസ് രജിസ്റ്റര് ചെയ്ത് അന്വേഷണം ആരംഭിച്ചു. ബാംഗ്ലൂര് പൊലീസ് കാസര്കോട് ടൗണ് പോലീസിന്റെ സഹായവും തേടിയിരുന്നു. അതിന്റെ ഭാഗമായാണ് അവര് കാസര്കോടെത്തിയത്. റിഷാബ് തന്നെ തട്ടിക്കൊണ്ട് പോയി പീഡിപ്പിക്കുന്നതിന് മുമ്പ് മറ്റൊരു യുവാവ് ബംഗളൂരുവില് കൊണ്ടുപോയി മയക്കുമരുന്ന് നല്കി പീഡിപ്പിക്കുകയും ദൃശ്യങ്ങളെടുത്ത് മതം മാറാന് പ്രേരിപ്പിച്ചെന്നാണ് പുതിയ പരാതി. സംഭവം നടന്നപ്പോള് പെണ്കുട്ടിക്ക് പ്രായപൂര്ത്തിയായിരുന്നില്ല. അതിനാല് പോക്സോ കേസാണ് രജിസ്റ്റര് ചെയ്തിരിക്കുന്നത്.
പെണ്കുട്ടിയെ കാണാനില്ലെന്ന് ബന്ധുക്കള് നല്കിയ പരാതിയെ തുടര്ന്ന് ബാംഗ്ലൂരില് നിന്നാണ് കാസര്കോട് പൊലീസ് കണ്ടെത്തി നാട്ടില് കൊണ്ടുവന്നിരുന്നു. അന്ന് തന്നെ പീഡിപ്പിച്ചതായി പരാതി പറഞ്ഞിരുന്നില്ല. പിന്നീട് എ.എസ്.പി ശില്പയോട് തന്നെ പീഡിപ്പിച്ചതായി മൊഴി നല്കുകയായിരുന്നു. തുടര്ന്നാണ് റിഷാബിനെ അറസ്റ്റ് ചെയ്ത് റിമാന്ഡിലാക്കിയത്. പെണ്കുട്ടി റിഷാബുമായി പ്രേമത്തിലായിരുന്നെന്നും അങ്ങനെയാണ് ഒളിച്ചോടിയതെന്നും ആദ്യം അന്വേഷണ സംഘം കണ്ടെത്തിയിരുന്നു. എന്നാല് പീഡന വിവരം എ.എസ്.പിയോട് പറഞ്ഞതോടെയാണ് കേസിന്റെ ഗതി മാറിയത്. കാസര്കോട് കേന്ദ്രീകരിച്ച് വ്യാപകമായി മതംമാറ്റം നടക്കുന്നുണ്ടെന്ന ആരോപണം കുറേക്കാലമായി നിലനില്ക്കുന്നുണ്ട്. ഐ.എസിന്റെ പ്രധാന റിക്രൂട്ട്മെന്റ് കേന്ദ്രങ്ങളിലൊന്നായിരുന്നു കാസര്കോട് പടന്ന.
മതപരിവര്ത്തനമായതിനാല് ബി ജെ പി വനിതാ നേതാവ് ഇടപെട്ടതോടെ കേസ് വേറൊരു രീതിയിലേക്ക് എത്തിയിരിക്കുകയാണ്. ഒരു പക്ഷെ, ഈ കേസ് എന്.ഐ.എ ഏറ്റെടുത്താലും അത്ഭുതപ്പെടാനാവില്ല. കര്ണാടക പൊലീസ് രജിസ്റ്റര് ചെയ്ത കേസില് പ്രതികള്ക്കെതിരെ ശക്തമായ നിലപാട് സ്വീകരിക്കുമെന്ന് ഉറപ്പാണ്. പെണ്കുട്ടി പ്രായപൂര്ത്തിയാകുന്നതിന് മുമ്പ് മുതലാണ് പ്രതികള് പലതരത്തില് ചൂഷണം ചെയ്തത്. അറസ്റ്റിലായ റിഷാബിനെ കൂടാതെ രണ്ട് പ്രതികള് കൂടി കേസിലുണ്ട്. അതിനാല് അന്വേഷണം സൂഷ്മമായി നടത്തിയാലേ പ്രതികള്ക്ക് ശിക്ഷലഭിക്കൂ. ഉടുപ്പി എം.പി ഇടപെട്ടതോടെ കേസിന് രാഷ്ട്രീയ പിന്തുണയും ലഭിച്ചിട്ടുണ്ട്. അതിനാല് പെണ്കുട്ടിക്ക് നീതി ലഭിക്കും എന്ന വിശ്വാസത്തിലാണ് മാതാപിതാക്കള്.
https://www.facebook.com/Malayalivartha
