ഇവിടെ ബലാത്സംഗം അവസാനിക്കുന്നില്ല; ഡല്ഹിയില് കൂട്ടബലാല്സംഗത്തിനിരയായി കൊല്ലപ്പെട്ട നിര്ഭയ കേസ് പ്രതികള്ക്ക് മാപ്പ് നല്കണമെന്ന് നിര്ഭയയുടെ മാതാവ് ആശാദേവിയോട് മുതിര്ന്ന അഭിഭാഷക ഇന്ദിരാ ജെയ്സിങ്; ഇത്തരക്കാര് ഉള്ളതുകൊണ്ടാണ് ബലാല്സംഗങ്ങള് അവസാനിക്കാത്തതെന്ന് നിര്ഭയയുടെ അമ്മ
ഡല്ഹിയില് കൂട്ടബലാല്സംഗത്തിനിരയായി കൊല്ലപ്പെട്ട നിര്ഭയ കേസ് പ്രതികള്ക്ക് മാപ്പ് നല്കണമെന്ന് നിര്ഭയയുടെ മാതാവ് ആശാദേവിയോട് മുതിര്ന്ന അഭിഭാഷക ഇന്ദിരാ ജെയ്സിങ്. ട്വിറ്ററിലൂടെയായിരുന്നു അവരുടെ ആവശ്യം. പ്രതികളുടെ വധശിക്ഷ നീട്ടിവെച്ച കോടതി ഉത്തരവില് ആശാദേവി നിരാശ പ്രകടിപ്പിച്ച വാര്ത്ത റീ ട്വീറ്റ് ചെയ്ത്ക്കൊണ്ടായിരുന്നു ഇന്ദിരാ ജെയ്സിങിന്റെ പ്രതികരണം. നിര്ഭയയുടെ അമ്മ സോണിയ ഗാന്ധിയുടെ മാതൃക പിന്തുടരണമെന്ന് മുതിര്ന്ന അഭിഭാഷക ഇന്ദിര ജെയ്സിങ് പറഞ്ഞു.
'നിര്ഭയയുടെ അമ്മ ആശാ ദേവിയുടെ വേദന ഞാന് പൂര്ണ്ണമായി മനസ്സിലാക്കുന്നു. അതേസമയം രാജീവ് ഗാന്ധി വധക്കേസിലെ പ്രതി നളിനിക്ക് മാപ്പ് കൊടുത്ത സോണിയ ഗാന്ധിയെ മാതൃകയാക്കണണെന്ന് ഞാന് ആശാദേവിയോട് അഭ്യര്ത്ഥിക്കുന്നു. ഞങ്ങള് നിങ്ങളോടൊപ്പമുണ്ട്. എന്നാല് വധശിക്ഷക്ക് എതിരാണ്' ഇന്ദിരാ ജെയ്സിങ് ട്വിറ്ററില് കുറിച്ചു.
ഇന്ദിര ജയ്സിങിന്റെ ആവശ്യത്തിനെതിരെ നിര്ഭയയുടെ അമ്മ രൂക്ഷമായ പ്രതികരണവുമായി രംഗത്തെത്തി. അത്തരമൊരു നിര്ദേശം എന്റെ മുന്നില് വെക്കാന് ഇന്ദിരാ ജെയ്സിങ് ആരാണെന്ന് ആശാ ദേവി ചോദിച്ചു. 'ഇന്ദിരാ ജെയ്സിങിനെ പോലുള്ള ആളുകള്ക്ക് എങ്ങനെയാണ് കുറ്റവാളികള്ക്ക് മാപ്പ് നല്കണമെന്ന് നിര്ദേശിക്കാന് സാധിക്കുന്നത്. സുപ്രീംകോടതിയില് വെച്ച് നിരവധി തവണ ഞാന് അവരെ കണ്ടുമുട്ടിയിട്ടുണ്ട്. ഒരിക്കല് പോലും അവര് എനിക്ക് ക്ഷേമം നേരുകയോ അന്വേഷിക്കുകയോ ചെയ്തിട്ടില്ല. ഇന്ന് അവര് കുറ്റവാളികള്ക്ക് വേണ്ടി സംസാരിക്കുന്നു.
നിര്ഭയ കേസിലെ പ്രതികളെ തൂക്കിലേറ്റണമെന്ന് രാജ്യം മുഴുവന് ആഗ്രഹിക്കുന്നു. ഈ സമയത്താണ് ഇത്തരം ആവശ്യവുമായി ഇന്ദിരാ ജയ്സിങ് മുന്നോട്ടുവരുന്നത്. ഇന്ദിരാ ജെയ്സിങിനെ പോലുള്ള ആളുകള് കാരണം ബലാത്സംഗത്തിന് ഇരയായവര്ക്ക് നീതി ലഭ്യമാകുന്നില്ല. ബലാത്സംഗക്കേസ് പ്രതികളെ പിന്തുണച്ച് ഇത്തരം ആളുകള് ഉപജീവനം നടത്തുന്നതുകൊണ്ട് തന്നെ ഇവിടെ ബലാത്സംഗങ്ങള് അവസാനിക്കുന്നില്ലെന്നും ആശാ ദേവി പറഞ്ഞു.
നിർഭയ കൂട്ടബലാത്സംഗ കേസിൽ കുറ്റവാളികളായ നാല് പേരുടെയും വധശിക്ഷ ഫെബ്രുവരി ഒന്നിന് നടക്കും. രാവിലെ ആറ് മണിക്കാണ് വധശിക്ഷ നടപ്പിലാക്കുക. പുതിയ മരണവാറണ്ട് ദില്ലി കോടതി പുറപ്പെടുവിച്ചു.
നേരത്തെ ഈ മാസം 22 ന് വധശിക്ഷ നടത്താനായിരുന്നു ഉദ്ദേശിച്ചത്. 2012 ഡിസംബറിലാണ് വിനയ് ശർമയടക്കമുള്ള ഒരു സംഘം 23 വയസ്സുള്ള പാരാമെഡിക്കൽ വിദ്യാർത്ഥിനിയെ ദില്ലിയിൽ ബസ്സിൽ വച്ച് കൂട്ടബലാത്സംഗത്തിന് ഇരയാക്കിയത്. അതിക്രൂരമായ രീതിയിൽ ആക്രമിച്ച് മൃതപ്രായയാക്കുകയും നഗ്നയാക്കുകയും ചെയ്ത യുവതിയെയും കൂടെയുണ്ടായിരുന്ന സുഹൃത്തിനെയും വഴിയിൽ തള്ളുകയും ചെയ്തു. ശേഷം ദില്ലി എയിംസ് ആശുപത്രിയിൽ പ്രവേശിപ്പിക്കപ്പെട്ട നിർഭയയെ സിംഗപ്പൂരിൽ വിദഗ്ധ ചികിത്സയ്ക്കായി കൊണ്ടുപോയെങ്കിലും ഒരാഴ്ചയ്ക്കുള്ളിൽ മരണത്തിന് കീഴടങ്ങി.
സ്വതന്ത്ര ഇന്ത്യയില് ആദ്യമായാണ് നാല് പ്രതികളെ ഒരുമിച്ച് തൂക്കിക്കൊലൈൻ തയ്യാറെടുക്കുന്നത്. അതിനാല് തന്നെ വലിയ തൂക്കുമരത്തട്ട് ആവശ്യമാണ്. ഒരൂ മാസം മുന്പ് തന്നെ ജയിലില് തൂക്കുമരത്തട്ട് പുനര്നിര്മ്മിച്ചിരുന്നു. തൂക്കിലേറ്റുന്നതിനുള്ള ചട്ടക്കൂടിനും ഭൂമിക്കടിയിലേക്കുള്ള തുരങ്കം കുഴിക്കുന്നതിനുമായി കഴിഞ്ഞ ദിവസം ജയില് വളപ്പില് ജെ.സി.ബി എത്തിച്ച് പണികള് നടത്തിയിരുന്നു. ഈ തുരങ്കത്തിലൂടെയാണ് തൂക്കിലേറ്റപ്പെട്ടവരുടെ മൃതദേഹങ്ങള് കൈമാറുന്നത്.
https://www.facebook.com/Malayalivartha
