ദേശീയപാതയോരത്ത് നിര്ത്തിയിട്ടിരുന്ന ലോറി ഉരുണ്ടുനീങ്ങി ഇടിച്ച് നിന്നു; ഒഴിവായത് വന് ദുരന്തം
വടക്കഞ്ചേരി - മണ്ണുത്തി ദേശീയപാതയില് പന്നിയങ്കര ടോള് പ്ലാസക്ക് സമീപം ഇന്നലെ രണ്ടു മണിയോടെ നിര്ത്തിയിട്ടിരുന്ന ലോറി 300 മീറ്റര് ഉരുണ്ടു നീങ്ങി. റോഡരികില് ലോറി നിര്ത്തി ഡ്രൈവര് വേലൂര് സ്വദേശി രാധാകൃഷ്ണന് ഹോട്ടലില് ഭക്ഷണം കഴിക്കാന് പോയ സമയത്താണ് ലോറി ഡ്രൈവറില്ലാതെ ഉരുണ്ട് നീങ്ങിയത്.
പന്നിയങ്കരയില് പ്രവര്ത്തിക്കുന്ന ശോഭ ഗ്രൂപ്പിന്റെ സ്കൂള് ഉള്പ്പെടെയുള്ള നിരവധി സ്ഥാപനങ്ങളിലേക്ക് തിരിയുന്ന റോഡിന്റെ സമീപത്തെ കെട്ടിടത്തില് ഇടിച്ചാണ് ലോറി നിന്നത്. ലോറി ഇടിച്ചുനിന്ന കെട്ടിടത്തിന് താഴെയുള്ള റൂമില് കടനടത്തുന്ന പത്രോസ്, ലോറി വരുന്നത് കണ്ട് പുറത്തേക്ക് ഓടിയതിനാല് ആളപായമുണ്ടായില്ല. തിരക്കുള്ള ദേശീയപാതയിലൂടെ ലോറി ഉരുണ്ട് പോകുന്നത് കണ്ട് നാട്ടുകാര് ബഹളം വെച്ച് ആളുകളെ റോഡില് നിന്ന് മാറ്റി.
കെട്ടിടത്തിന് മുമ്പിലൂടെ പോകുന്ന വൈദ്യുതി കമ്പിയിലും ലോറി തട്ടിയിരുന്നു. അപകട സമയത്ത് സമീപത്തുണ്ടായിരുന്ന വൈദ്യുതി വകുപ്പ് ജീവക്കാര് വൈദ്യുതി പെട്ടന്ന് വിച്ഛേദിച്ച് അപകടമൊഴിവാക്കി. ഈ സമയം ഇതുവഴി വാഹനങ്ങള് വരാത്തതും രക്ഷയായി. ആന്ധ്രപ്രദേശില് നിന്നു എറണാകുളത്തേക്ക് സിമന്റ് കയറ്റി പോകുന്ന ലോറിയാണ് അപകടത്തില്പ്പെട്ടത്. ലോറി നിര്ത്തുമ്പോള് ഹാന്ഡ് ബ്രേക്ക് ഇടാത്തതാണ് അപകടകാരണമെന്ന് കരുതുന്നു. എന്നാല് ഹാന്ഡ് ബ്രേക്ക് ഇട്ടാണ് ലോറി നിര്ത്തിയതെന്ന് ഡ്രൈവര് പറഞ്ഞു.
https://www.facebook.com/Malayalivartha