ഒന്നും അറിയാതെ മന്ത്രി... കെ.എസ്.ആര്.ടി.സിയെ പൂട്ടിക്കെട്ടാനായി എല്ലാവരും കൂടി ഒരുപോലെ ഇറങ്ങിത്തിരിക്കുമ്പോള് ചിരിക്കുന്നത് ടോമിന് തച്ചങ്കരി; കെ.എസ്.ആര്.ടി.സിയെ കുറഞ്ഞനാള് കൊണ്ട് നന്നാക്കി ഒന്നാം തീയതി തന്നെ ശമ്പളം നല്കിയപ്പോള് പഴയ യൂണിയന് കളി തുടങ്ങി; ഇപ്പോള് ഇതാ ജീവനക്കാരുടെ ആനുകൂല്യങ്ങള് പോലും കയ്യിട്ടു വാരുന്നു
തകര്ച്ചയുടെ വക്കില് ഇരുന്നപ്പോഴാണ് ടോമിന് തച്ചങ്കരിയെ കെ.എസ്.ആര്.ടി.സി. എം.ഡി. ആക്കിയത്. ശക്തമായ നിലപാടിലൂടെ കെ.എസ്.ആര്.ടി.സി.യെ ലാഭത്തിലാക്കി. ജോലി ചെയ്യാതെ ചീഫ് ഓഫീസില് തമ്പടിച്ചിരുന്ന യൂണിയന്കാരെ ജോലിക്ക് പറഞ്ഞുവിട്ടു. ഡബിള് ഡ്യൂട്ടിയെന്ന പേരില് കുറച്ച് നേരം ജോലി ചെയ്ത് പിറ്റേദിവസം ഓഫെടുത്ത് മറ്റ് ജോലിക്ക് പോകുന്നവരെ പൂട്ടിട്ടു. കെ.എസ്.ആര്.ടി.സി.യില് വരുമാനം കൂടുകയും ജീവനക്കാര്ക്ക് ഒന്നാം തീയതിയില് ശമ്പളം കിട്ടുകയും ചെയ്തു. ടോമിന് തച്ചങ്കരിയുടെ പരിഷ്കാരങ്ങള് ഫലം കണ്ടതോടെ യൂണിയന്കാരുടെ നിലനില്പ്പ് പോലും ആശങ്കയിലായി. അതോടെ യൂണിയന്കാര് പാര്ട്ടി തലത്തില് ഇടപെടുകയും തച്ചങ്കരിയെ മാറ്റുകയും ചെയ്തു. ഇതോടെ കെ.എസ്.ആര്.ടി.സി. വീണ്ടും നഷ്ടത്തിലായി. ഭരണ പ്രതിപക്ഷമില്ലാതെ സെക്രട്ടറിയേറ്റ് പടിക്കല് ജിവനക്കാര് സമരമിരുന്നു. ഒരു ഫലവുമില്ല. ഇപ്പോഴിതാ കെ.എസ്.ആര്.ടി.സി.യുടെ ദയനീയാവസ്ഥ കാണിക്കുന്ന മറ്റൊരു സംഭവം കൂടി.
ജീവനക്കാരുടെ ശമ്പളത്തില്നിന്നു പിടിക്കുന്ന തുക പ്രൊവിഡന്റ് ഫണ്ടില് അടയ്ക്കാതെ വകമാറ്റുന്നെന്ന പരാതിയില് പ്രധാനമന്ത്രിയുടെ ഓഫീസ് സംസ്ഥാന ചീഫ് സെക്രട്ടറിയോടു വിശദീകരണം തേടി. കേരളാ സ്റ്റേറ്റ് ട്രാന്സ്പോര്ട്ട് ആന്ഡ് എംപ്ലോയീസ് ഓര്ഗെനെസേഷന്റെ പരാതിയിലാണു നടപടി. പി.എഫ്. വിഹിതം വകമാറ്റുന്നതിനെക്കുറിച്ച് ഗവര്ണറുടെ ഓഫീസ് പ്രിന്സിപ്പല് സെക്രട്ടറിയോടും റിപ്പോര്ട്ട് ആവശ്യപ്പെട്ടു.
ജീവനക്കാരുടെ വിഹിതം വര്ഷങ്ങളായി പി.എഫിലേക്ക് അടയ്ക്കുന്നില്ലെന്നു വിവരാവകാശ നിയമപ്രകാരം നല്കിയ ചോദ്യത്തിനുള്ള മറുപടിയില് കെ.എസ്.ആര്.ടി.സി. കുറ്റസമ്മതം നടത്തിയിരുന്നു. പി.എഫില് നിക്ഷേപിക്കേണ്ട പണം വര്ക്കിങ് ഫണ്ടിലേക്ക് വകമാറ്റുകയാണു ചെയ്യുന്നത്. സര്വീസില്നിന്നു വിരമിക്കുന്നവര്ക്ക് വര്ക്കിങ് ഫണ്ടില്നിന്നായാലും പലിശയടക്കം പണം നല്കുന്നതിനാല് ജീവനക്കാരോ തൊഴിലാളി സംഘടനകളോ പരാതി നല്കാറില്ല.
പി.എഫ്. തുകയ്ക്കു സര്ക്കാര് നല്കേണ്ട പലിശ സ്വന്തമായി നല്കുകയാണു കെ.എസ്.ആര്.ടി.സി. ചെയ്യുന്നത്. ഇങ്ങനെ പലിശയിനത്തില് മാത്രം സ്ഥാപനത്തിന് 9.81 കോടി രൂപ ചെലവായെന്നു സി.എ.ജി. നടത്തിയ പരിശോധനയില് കണ്ടെത്തിയിരുന്നു.
പി.എഫ്. തുക കൃത്യമായി അടയ്ക്കാത്ത കെ.എസ്.ആര്.ടി.സിയുടെ നടപടിയെ സോമന് വേഴ്സസ് സ്റ്റേറ്റ് ഓഫ് കേരള എന്ന കേസില് െഹെക്കോടതി നിശിതമായി വിമര്ശിച്ചിരുന്നു. െഹെക്കോടതിയുടെ മുന്നറിയിപ്പും വകവയ്ക്കാതെയാണു പി.എഫ്. തുക വകമാറ്റല് തുടരുന്നത്. പി.എഫിലേക്കു പിടിക്കുന്ന തുക ഏത് അക്കൗണ്ടിലേക്കാണു പോകുന്നതെന്ന് വിവരാവകാശ നിയമം വഴി അന്വേഷിച്ചപ്പോള്, കോര്പ്പറേഷന്റെ നിയമപരമായ ബാധ്യത പൂര്ത്തീകരിക്കാനുള്ള സാങ്കല്പ്പികമായ ഒരു അക്കൗണ്ട് മാത്രമാണ് നിലവിലുള്ളതെന്നായിരുന്നു മറുപടി. ജീവനക്കാര്ക്ക് അടിയന്തര ഘട്ടങ്ങളില്പ്പോലും പി.എഫില്നിന്നു വായ്പയെടുക്കാന് പറ്റാത്ത സ്ഥിതിയാണിപ്പോള്. വായ്പ കിട്ടാന് മാസങ്ങളോളം കാത്തിരിക്കേണ്ട അവസ്ഥയാണെന്നു കേരളാ സ്റ്റേറ്റ് ട്രാന്സ്പോര്ട് ആന്ഡ് എംപ്ലോയീസ് ഓര്ഗെനെസേഷന് സംസ്ഥാന സെക്രട്ടറി എം.മനേഷ് പറഞ്ഞു.
2013 മുതല് ഏര്പ്പെടുത്തിയ പങ്കാളിത്ത പെന്ഷന്റെ അവസ്ഥയും ഇതുതന്നെ. കഴിഞ്ഞ 38 മാസത്തില് ജീവനക്കാരുടെ പങ്കാളിത്ത പെന്ഷന് വിഹിതമായി 59 കോടി രൂപയാണു കോര്പ്പറേഷന് പിടിച്ചത്. അത്രതന്നെ തുക സംസ്ഥാന സര്ക്കാരും പങ്കാളിത്ത പെന്ഷന് ഫണ്ടില് നിക്ഷേപിക്കണം. കോര്പ്പറേഷന് പണമടയ്ക്കാത്തതിനാല് സര്ക്കാരും പണമടച്ചിട്ടില്ലെന്നാണു വിവരം. സാമ്പത്തിക സ്ഥിതി മെച്ചപ്പെടുന്നതനുസരിച്ച് മുഴുവന് തുകയും നിക്ഷേപിക്കുമെന്ന തൊടുന്യായത്തില് അധികൃതരുടെ വിശദീകരണം ഒതുങ്ങുന്നു.
https://www.facebook.com/Malayalivartha
