പൂട്ടി കിടന്ന ബാങ്കിന്റെ ഉള്ളിൽ നിന്നും നിലയ്ക്കാതെ ഉയർന്ന അപായ മണി. ഇത് ശ്രദ്ധയിൽപ്പെട്ട മാധ്യമ പ്രവർത്തകൻ ഉടൻ തന്നെ അഗ്നിശമന സേനയെ വിളിച്ച് വരുത്തി. മാത്രമല്ല അപായ സൈറൺ മുഴങ്ങിയുടൻ നാട്ടുകാരും പരിഭ്രാന്തരായി. എന്നാൽ അപായ സൈറൻ മുഴങ്ങിയതിനെ തുടർന്നു പാഞ്ഞെത്തിയ അഗ്നി സമന സേനയ്ക്ക് പൂട്ടുതുറക്കാൻ 45 മിനിറ്റോളം വേണ്ടി വന്നു . കാരണം ബാങ്ക് അധികൃതർ വരാൻ വൈകിയിരുന്നു. ഒടുവിൽ പൂട്ട് പൊളിച്ച് അകത്ത് കയറിയപ്പോൾ ഒന്നും അപകടകരമായ ഒന്നും കാണാൻ സാധിച്ചില്ല. തീയോ പുകയോ ഉണ്ടാകുമ്പോൾ ഉയരുന്ന അപായ മണിയായിരുന്നു ഉയർന്നത്. എന്നാൽ പൂട്ട് പൊളിച്ച് അകത്ത് കയറിയവർക്ക് അകത്ത് നിന്നും തീയ് പുകയോ കണ്ടെത്താൻ കഴിഞ്ഞില്ല. കടപ്പാക്കടയിൽ നിന്നുമായിരുന്നു ഫയർ ഫോഴ്സ് എത്തിയത്.

. അപായ സൈറൻ മുഴങ്ങുന്നത് ശ്രദ്ധയിൽപ്പെട്ട മാധ്യമ പ്രവർത്തകൻ വെസ്റ്റ് പൊലീസിലും ഫയർഫോഴ്സിലും വിവരം അറിയിക്കുകയായിരുന്നു. കടപ്പാക്കടയിൽ നിന്നും ഫയർഫോഴ്സും പൊലീസും എത്തിയപ്പോൾ നേരിയ ഗന്ധം അനുഭവപ്പെടുന്നുണ്ടായിരുന്നു. ബാങ്ക് അധികൃതരെ കാത്തു നിന്നെങ്കിലും ബാങ്ക് അധികൃതർക്ക് എത്താൻ കഴിഞ്ഞില്ല. അപ്പോഴും തുടർച്ചയായി സൈറൻ മുഴങ്ങുന്നുണ്ടായിരുന്നു.  ഒടുവിൽ ഫയർ ഓഫിസർ പി.എസ്.സാബുലാൽ എത്തി പൂട്ടു പൊളിച്ചു അകത്തുകടക്കാൻ നിർദേശം നൽകിയതിനെ തുടർന്നായിരുന്നു അകത്ത് കയറിയത് . ഫയർ ഫോഴ്സ് പരിശോധന നടത്തിയെങ്കിലും തീപിടിത്തം ഉണ്ടായതായി കണ്ടെത്താനാൻ കഴിഞ്ഞില്ല . പിന്നാലെ ബാങ്കിനെ പ്രതിനിധിയായി ഉദ്യോഗസ്ഥൻ സ്ഥലത്തെത്തി. പരിസരത്തു തീ കത്തിച്ചതിന്റെ പുക അകത്തു കടന്നതോ ഉപകരണത്തിന്റെ തകരാറോ ആയിരിക്കാം സൈറൻ മുഴങ്ങാൻ കാരണമെന്നാണ് കരുതുന്നത്. ബാങ്കില്‍ നിന്നു പതിവായി ഇത്തരത്തില്‍ അപായ സൈറന്‍ മുഴങ്ങാറുണ്ടെന്ന് നാട്ടുകാര്‍ക്ക് പരാതിയുണ്ട്.