കരട് ബിൽ തയ്യാർ; ഓര്ഡിനൻസിലെ അതേ കാര്യങ്ങൾ ഉൾപ്പെടുത്തിയിട്ടുണ്ട്; തീരുമാനം അറിയിക്കാതെ ഗവർണ്ണർ
വാര്ഡ് വിഭജന ബില്ലിന് കരടായി. ജനസംഖ്യ രജിസ്റ്ററും പൗരത്വ രജിസ്റ്ററും നടപ്പാക്കില്ലെന്ന ദൃഡ നിശ്ചയത്തിൽ കേരളം. കേരളത്തിന്റെ ഈ തീരുമാനം സെൻസസ് ഡയറക്ടറെ അറിയിക്കും. ഇന്ന് ചേര്ന്ന മന്ത്രിസഭാ യോഗത്തിലായിരുന്നു തീരുമാനം വന്നത്. ഈ മാസം മുപ്പത് മുതൽ നിയമസഭ സമ്മേളനം തുടങ്ങാനും തീരുമാനമായി. തദ്ദേശ ഭരണ സ്ഥാപനങ്ങളിലെ വാര്ഡ് വിഭജന തീരുമാനവുമായി മുന്നോട്ട് പോകുക എന്ന ലക്ഷ്യത്തിലാണ് സര്ക്കാര് പദ്ധതി. വാര്ഡ് വിഭജന ബില്ലിന്റെ കരടിനും മന്ത്രിസഭ അംഗീകാരം നൽകിയിരിക്കുകയാണ്.
തദ്ദേശ വാര്ഡുകൾ വിഭജിക്കുന്നത് സംബന്ധിച്ച ഓര്ഡിനൻസിൽ ഗവര്ണര് തീരുമാനം അറിയിച്ചിട്ടില്ല. ഓര്ഡിനൻസിൽ ഒപ്പിടാനോ തിരിച്ചയ്ക്കാനോ ഗവര്ണര് തയ്യാറായിട്ടില്ല. സര്ക്കാരും ഗവർണറും തമ്മിൽ തര്ക്കം നിലനിൽക്കുകയാണ്. എന്നാൽ ഓര്ഡിനൻസിലെ അതേ കാര്യങ്ങൾ തന്നെ ഉൾപ്പെടുത്തിയാണ് ബില്ല് തയ്യാറാക്കിയിരിക്കുന്നത്. 20 ദിവസമായി തുടരുന്ന പ്രതിസന്ധിക്ക് ബദൽ എന്ന നിലയിലാണ് ബില്ലിന്റെ കരട് തയ്യാറാക്കിയിട്ടുള്ളത്. ബില്ല് നിയമസഭയിൽ അവതരിപ്പിച്ച് പാസാക്കിയെടുക്കാനാണ് സര്ക്കാര് പദ്ധതിയിടുന്നത്. 30 മുതൽ നിയമസഭാ സമ്മേളനം തുടങ്ങാനുള്ള ശുപാര്ശയും സര്ക്കാര് ഗവര്ണര്ക്ക് സമര്പ്പിക്കും. ഗവര്ണറുടെ നയപ്രഖ്യാപനത്തോടെയാണ് നിയമസഭാ സമ്മേളനം തുടങ്ങുക.
https://www.facebook.com/Malayalivartha
