വിവാഹനിശ്ചയത്തിനു പോകാന് വരന് സഞ്ചരിച്ച വാഹനം മോട്ടോര് വാഹന വകുപ്പ് തടഞ്ഞു.... വരനും സുഹൃത്തുക്കളും കേണപേക്ഷിച്ചെങ്കിലും വാഹനം വിട്ടു നല്കാന് ഉദ്യോഗസ്ഥര് തയ്യാറായില്ല, നിശ്ചയിച്ചിരുന്ന മുഹൂര്ത്തവും തെറ്റി, ഒടുവില്...
കല്യാണത്തിന് നമ്മള് ചിലപ്പോള് കൂട്ടുകാരുടെ വണ്ടി ഉപയോഗിക്കും അല്ലെങ്കില് അയല്വക്കക്കാരുടെ ആല്ലെങ്കില് ബന്ധുക്കളുടെ വണ്ടികള് ഉപയോഗിക്കാറുണ്ട്. അതൊന്നും ചിലപ്പോള് കാശു കൊടുത്തിട്ട് ആവണം എന്നില്ല. ഇത്തരത്തില് ഒരു വരനും സംഘവും സഞ്ചരിച്ചിരുന്ന വാഹനം മോട്ടര് വാഹന വകുപ്പ് എന്ഫോഴ്സ്മെന്റ് സ്ക്വാഡ് വഴിയില് പിടികൂടി.
അര മണിക്കൂര് വഴിയില് കിടന്നതോടെ നിശ്ചയിച്ചിരുന്ന സമയവും തെറ്റി. എഴുകുംവയല് കാക്കനാട് റെനിറ്റിന്റെ മനസ്സമ്മതം രാജാക്കാട് ക്രിസ്തുരാജ് ദേവാലയത്തില് ഇന്നലെ രാവിലെ 11.30നാണു നിശ്ചയിച്ചിരുന്നത്. രാജാക്കാട് സ്വദേശിനിയായ പെണ്കുട്ടിയായിരുന്നു വധു. എഴുകുംവയലില് നിന്നു യാത്ര ആരംഭിച്ച് കുമളി- മൂന്നാര് സംസ്ഥാന പാതയിലൂടെ സഞ്ചരിക്കുമ്പോഴാണു മൈലാടുംപാറയില് മോട്ടര് വാഹന വകുപ്പ് എന്ഫോഴ്സ്മെന്റ് സ്ക്വാഡ് വരന് സഞ്ചരിച്ച വാഹനം കള്ളടാക്സി എന്നാരോപിച്ചു പിടികൂടിയത്.
ഒരു കാര്യം കൂടി പറയാതിരിക്കാന് വയ്യ കള്ള ടാക്സി ആണെങ്കില് തീര്ച്ചയായും പിടി കൂടണം . കാരണം ടാക്സ് കൃത്യമായി അടച്ച് പെരുവഴിയില് യാത്രക്കാരെയും കാത്ത് കിടക്കുന്ന അനേകായിരം വാഹന തൊഴിലാളികള് നമ്മുടെ ഇടയിലും ഉണ്ട് ഇവര്ക്ക് വെല്ലുവിളി ആകുന്നത് കള്ള ടാക്സിക്കാര് തന്നെയാണ്, എന്നാല് ഇങ്ങനെ ഒരവസരം മുതലാക്കേണ്ട ആവശ്യം ഇല്ലായിരുന്നു.
വരനും സുഹൃത്തുക്കളും കേണപേക്ഷിച്ചെങ്കിലും വാഹനം വിട്ടുനല്കാന് മോട്ടര് വാഹന വകുപ്പ് ഉദ്യോഗസ്ഥര് തയ്യാറായില്ല. വാഹനം പിടിച്ചെടുത്തതോടെ സ്ഥലത്തുണ്ടായിരുന്നവരും നാട്ടുകാരും വിവാഹസംഘത്തില് ഉണ്ടായിരുന്നവരും ചെറിയ തോതില് വാക്കേറ്റത്തില് ഏര്പ്പെട്ടു. വാഹനം മനഃപൂര്വം മോട്ടര് വാഹന വകുപ്പ് ഉദ്യോഗസ്ഥര് വഴിയില് തടഞ്ഞിട്ടതു കാരണം സമയം നഷ്ടപ്പെട്ടെന്നും ഈ സമയം സംസ്ഥാനപാതയിലൂടെ പോയ മറ്റു വാഹനങ്ങള് പരിശോധിച്ചില്ലെന്നും മനഃപൂര്വമാണ് ഉദ്യോഗസ്ഥര് ഇത്തരത്തിലൊരു സാഹചര്യം സൃഷ്ടിച്ചതെന്നും നാട്ടുകാര് ആരോപിച്ചു.
വരന് സഞ്ചരിച്ചിരുന്ന വാഹനം സുഹൃത്തും സമീപവാസിയുമായ വ്യക്തിയുടേത് ആയിരുന്നു. ഈ വാഹനത്തിനു മോട്ടര് വാഹന വകുപ്പ് 6000 രൂപ പിഴയിട്ടു. അര മണിക്കൂര് വിവാഹസംഘം വഴിയില് കുടുങ്ങി. 11.30നാണു വിവാഹസമയം നിശ്ചയിച്ചിരുന്നത്. 11.50നാണു വിവാഹസംഘത്തിനു ദേവാലയത്തില് എത്താന് കഴിഞ്ഞത്. വിവാഹച്ചടങ്ങുകള്ക്കു കള്ള ടാക്സി ഉപയോഗിക്കുന്നതായി പരാതികള് ഉണ്ടെന്നു മോട്ടര് വാഹന വകുപ്പ് ഉദ്യോഗസ്ഥര് പറഞ്ഞു.
https://www.facebook.com/Malayalivartha