സുരേഷ് ഗോപിയുടെ പ്രതാപകാലം ഓര്‍മ്മിപ്പിച്ച് വരനെ ആവശ്യമുണ്ട്. വന്‍ വിജയത്തിലേക്കാണ് ചിത്രം പോകുന്നത്. സത്യന്‍ അന്തിക്കാടിന്റെ മകന്‍ അനൂപ് സത്യന്‍ സംവിധാനം ചെയ്ത ചിത്രമാണ് 'വരനെ ആവശ്യമുണ്ട്'. ചിത്രത്തില്‍ സുരേഷ് ഗോപി പ്രധാന കഥാപാത്രമായി എത്തുന്നു. വന്‍ താര നിരയില്‍ ഒരുക്കിയ ചിത്രം നിര്‍മിച്ചത് ദുല്‍ഖര്‍ സല്‍മാന്‍ ആണ്. ദുല്‍ഖറും ചിത്രത്തില്‍ ഒരു പ്രധാനവേഷത്തില്‍ എത്തുന്നുണ്ട്.

ശോഭനയും, കല്യാണി പ്രിയദര്‍ശനുമാണ് ചിത്രത്തിലെ നായികമാര്‍. വര്‍ഷങ്ങള്‍ക്ക് ശേഷമാണ് സുരേഷ് ഗോപിയും, ശോഭനയും ഒരു ചിത്രത്തിനായി ഒന്നിക്കുന്നത്. 2005ല്‍ പുറത്തിറങ്ങിയ മകള്‍ക്ക് എന്ന ചിത്രത്തിലാണ് ഇരുവരും അവസാനം ഒരുമിച്ചഭിനയിച്ചത്. മേജര്‍ രവിയും ചിത്രത്തില്‍ പ്രധാന വേഷത്തില്‍ എത്തുന്നുണ്ട്. മേജര്‍ ഉണ്ണികൃഷ്ണന്‍ എന്ന കഥാപാത്രമായാണ് സുരേഷ് ഗോപി ചിത്രത്തില്‍ എത്തുന്നത് . മേജര്‍ ആത്മാറാമായി മേജര്‍ രവിയും എത്തുന്നു.ചിത്രം തീയേറ്ററില്‍ വിജയകരമായി പ്രദര്‍ശനം തുടരുകയാണ്.

അതേസമയം സുരേഷ് ഗോപി നായകനായി പുറത്തിറങ്ങിയ വരനെ ആവശ്യമുണ്ട് എന്ന സിനിമയിലെ സംഘട്ടന രംഗത്തിന്റെ മേക്കിംഗ് വീഡിയോ അണിയറക്കാര്‍ പുറത്തു വിട്ടിരിക്കുകയാണ്. തന്റെ യൂട്യൂബ് ചാനലിലൂടെ നടനും നിര്‍മാതാവുമായ ദുല്‍ഖര്‍ സല്‍മാനാണ് വീഡിയോ പുറത്തു വിട്ടത്. രണ്ട് മിനിട്ട് ദൈര്‍ഘ്യമുള്ള വീഡിയോ സമൂഹ മാധ്യമങ്ങളില്‍ വൈറലാണ്. തന്റെ ഫേസ്ബുക്ക് പേജിലും ദുല്‍ഖര്‍ വീഡിയോയുടെ ലിങ്ക് പങ്കുവെച്ചിട്ടുണ്ട്.

മുന്‍പ് പല ആക്ഷന്‍ രംഗങ്ങളിലൂടെയും ആരാധകരെ രസിപ്പിച്ചിട്ടുള്ള സുരേഷ് ഗോപി, ആക്ഷന്‍ രംഗങ്ങളില്‍ തന്റെ പഴയ പ്രസരിപ്പിനൊന്നും ഒരു ഇടിവും വന്നിട്ടില്ലെന്നാണ് ഈ വീഡിയോയിലൂടെ തെളിയിക്കുന്നത്. സുരേഷ് ഗോപിയുടെ രണ്ടാമത്തെ മകനായ മാധവ് സുരേഷിനെയും വീഡിയോയില്‍ കാണാം. മാധവിന്റെ അഭിനയ അരങ്ങേറ്റം കൂടിയാണ് ഈ ചിത്രം. സുരേഷ് ഗോപിയുടെ മൂത്ത മകന്‍ ഗോകുല്‍ സുരേഷ് സിനിമകളില്‍ സജീവമാണ്. മാഫിയ ശശി ആണ് ആക്ഷന്‍ കൊറിയോഗ്രാഫര്‍.

നിറഞ്ഞ സദസ്സില്‍ തീയറ്ററുകളില്‍ പ്രദര്‍ശനം തുടരുന്ന ചിത്രം ദുല്‍ഖര്‍ സല്‍മാന്റെ നിര്‍മ്മാണക്കമ്പനിയായ വേഫേറര്‍ ഫിലിംസും സ്റ്റാര്‍ എന്റര്‍ടൈന്മെന്റ്‌സും നിര്‍മ്മിച്ചിരിക്കുന്നത്.

വരനെ ആവശ്യമുണ്ട് എന്ന ചിത്രത്തിലൂടെ ഒരിടവേളയ്ക്കു ശേഷം സുരേഷ് ഗോപി മലയാളത്തിലേക്ക് തിരിച്ചുവരവ് നടത്തിയിരി ക്കുകയാണ്.തിയേറ്ററുകളില്‍ മികച്ച പ്രതികരണം നേടി ചിത്രം പ്രദര്‍ശനം തുടരുകയാണ്.സിനിമയോടനുബന്ധിച്ചും അല്ലാതെയും രാഷ്ട്രീയത്തിലുമെല്ലാം സുരേഷ് ഗോപിയുടെ പ്രതികരണങ്ങള്‍ ചര്‍ച്ചയാകാറുണ്ട്.അത്തരത്തില്‍ ഒരു മറുപടിയാണ് ഇപ്പോള്‍ വൈറലായിരിക്കുന്നത്.

ടിവിയില്‍ വരുമ്പോള്‍ കൂടുല്‍ കാണാറുള്ള ചിത്രം ഏതെന്ന അവതാരകന്റെ ചോദ്യത്തിനായിരുന്നു സുരേഷ് ഗോപിയുടെ മറുപടി. മമ്മൂട്ടി ചിത്രമായ പ്രാഞ്ചിയേട്ടന്‍ ദി സെയ്ന്റ് ആണ് താന്‍ ഏറ്റവും കൂടുതല്‍ തവണ കണ്ടിട്ടുള്ളതെന്നും. കുറഞ്ഞത് 20 തവണയെങ്കിലും താനാ ചിത്രം കണ്ടു കഴിഞ്ഞെന്നും സുരേഷ് ഗോപി പറഞ്ഞു.

അതൊരു സിനിമയാണെന്നു തോന്നില്ല, മറിച്ച് സംഭവങ്ങള്‍ കണ്‍മുന്നില്‍ നടക്കുന്നത് പോലെയാണ് തോന്നുക. അത്തരത്തിലാണ് രഞ്ജിത് സിനിമയൊരുക്കിയിരിക്കുന്നത്. മമ്മൂട്ടി, പ്രിയാ മണി എന്നിവരെ കേന്ദ്ര കഥാപാത്രങ്ങളാക്കി രഞ്ജിത് ഒരുക്കിയ പ്രാഞ്ചിയേട്ടന്‍ ആന്‍ഡ് ദി സെയ്ന്റ് മലയാള സിനിമയില്‍ തന്നെ വേറിട്ട ശൈലിയായിരുന്നു.