പത്തനാപുരത്ത് നടുറോഡിൽ ബൈക്കില്‍ അഭ്യാസ പ്രകടനം. എന്നാൽ പ്രകടനം നടത്തുന്നതിനിടെ അപകടമുണ്ടായി യുവാക്കൾ ആശുപത്രിയിൽ. 15 വയസ്സുകാരനടക്കം രണ്ട് പേര്‍ക്ക് പരിക്കേൽക്കുകയും ചെയ്തു . ഇവരെ പുനലൂര്‍ താലൂക്കാശുപത്രിയിലാണ് പ്രവേശിപ്പിച്ചത്. എലിക്കാട്ടൂരിനെയും കന്നറയെയും തമ്മില്‍ ബന്ധിപ്പിക്കുന്ന പാലത്തിനു മുകളിലായിരുന്നു വിദ്യാര്‍ഥികൾ അഭ്യാസ പ്രകടനം നടത്തിയിരിക്കുന്നത്. ബൈക്കിന്റെ മുന്‍ ഭാഗം പൊന്തിക്കുക അത്തരത്തിൽ ഉള്ള പ്രകടനങ്ങളാണ് നടത്തിയത്. ഒറ്റട്ടയറില്‍ ഓടിക്കുന്നതിന്റെയും മറ്റും വീഡിയോകളും പുറത്തായിട്ടുണ്ട്.

ടിക്ടോക്കില്‍ പ്രസിദ്ധീകരിക്കാന്‍ വേണ്ടി അഭ്യാസങ്ങളുടെ ദൃശ്യങ്ങള്‍ പകര്‍ത്തുന്നതിനിടെയായിരുന്നു ഈ അപകടം സംഭവിച്ചിരിക്കുന്നത് . മൂന്ന് ബൈക്കുകള്‍ വേഗത്തില്‍ പോകവെ തമ്മില്‍ കൂട്ടിമുട്ടുകയായിരുന്നു. ആഡംബര ബൈക്ക് ഓടിച്ചിരുന്ന 15കാരനും എലിക്കാട്ടൂര്‍ സ്വദേശി ജോണ്‍സണ്‍ ഓടിച്ചിരുന്ന ബൈക്കുമായിരുന്നു തമ്മിൽ കൂട്ടിമുട്ടിയത്. പരിക്കേറ്റ ഇരുവരെയും പുല്ലൂര്‍ താലൂക്കാശുപത്രിയില്‍ പ്രവേശിപ്പിക്കുകയും ചെയ്തു . പാലത്തില്‍ അഭ്യാസപ്രകടനം നടത്തരുതെന്ന് നാട്ടുകാര്‍ പലകുറി ആവശ്യപ്പെട്ടിരുന്നുവെങ്കിലും യുവാക്കള്‍ ഇത് കാര്യമാക്കിയെടുത്തില്ല. അഭ്യാസ പ്രകടനം നടത്തുന്നതിനിടെ ഹെല്‍മെറ്റ് ധരിച്ചതിനാലാണ് അത്യാഹിതം ഒഴിവായതെന്ന് നാട്ടുകാര്‍ പറയുകയും ചെയ്തു. ടിക്‌ടോക്‌ വീഡിയോ ചിത്രീകരിക്കുന്നതിനിടെ ഇത്തരത്തിലെ അപകടങ്ങൾ നിരവധി സംഭവിച്ചിരുന്നു .