പൗരത്വ നിയമത്തിനെതിരെ വെല്‍ഫെയര്‍ പാര്‍ട്ടി സംഘടിപ്പിക്കുന്ന രാജ്ഭവന്‍ ഉപരോധം 'ഒക്കുപൈ രാജ്ഭവന്‍' ഇന്ന് ... 30 മണിക്കൂര്‍ നീളുന്ന പ്രക്ഷോഭം നാളെ സമാപിക്കും
പൗരത്വ നിയമത്തിനെതിരെ വെല്‍ഫെയര്‍ പാര്‍ട്ടി സംഘടിപ്പിക്കുന്ന രാജ്ഭവന്‍ ഉപരോധം 'ഒക്കുപൈ രാജ്ഭവന്‍' ഇന്ന് . 30 മണിക്കൂര്‍ നീളുന്ന പ്രക്ഷോഭം നാളെ സമാപിക്കും. ഡല്‍ഹി ശാഹീന്‍ബാഗിലെ സമര നായികമാരായ അസ്മ ഖാത്തൂന്‍, ബല്‍കീസ്, സര്‍വാരി എന്നിവരും ജാമിഅ മില്ലിയ സമര നായിക ആയിശാ റെന്നയും മുഖ്യാതിഥികളാകും. വിവിധ സെഷനുകളിലായി വെല്‍ഫെയര്‍ പാര്‍ട്ടി ദേശീയ പ്രസിഡന്റ് ഡോ. എസ്.ക്യു.ആര്‍. ഇല്യാസ്, പ്രതിപക്ഷ നേതാവ് രമേശ് ചെന്നിത്തല, കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍, മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ. കുഞ്ഞാലിക്കുട്ടി എം.പി, എം.പിമാരായ കെ. മുരളീധരന്‍, ബെന്നി ബഹനാന്‍, അടൂര്‍ പ്രകാശ്, മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ്, എം.എം. ഹസ്സന്‍, കെ. അംബുജാക്ഷന്‍, വി.ടി. അബ്ദുല്ലക്കോയ, തൊടിയൂര്‍ മുഹമ്മദ് കുഞ്ഞ് മൗലവി, സംസ്ഥാന പ്രസിഡന്റ് ഹമീദ് വാണിയമ്ബലം എന്നിവര്‍ വിവിധ സെക്ഷനുകളില്‍ സംസാരിക്കും.
ഡല്‍ഹി ശാഹീന്‍ബാഗ് സമരനായികമാരായ അസ്മ ഖാത്തൂന്‍, ബല്‍കീസ്, സര്‍വാരി എന്നിവര്‍ ഇന്ന് തലസ്ഥാനത്തെത്തും. വെല്‍ഫെയര്‍ പാര്‍ട്ടി സംഘടിപ്പിക്കുന്ന ഒക്കുപൈ രാജ്ഭവന്‍ പ്രക്ഷോഭ പരിപാടിയില്‍ മുഖ്യാതിഥികളായാണ് മൂവരും കേരളത്തിലെത്തുന്നത്. ശാഹീന്‍ബാഗിലെ മുത്തശ്ശിമാര്‍ എന്നറിയപ്പെടുന്ന ഇവര്‍ 70 ദിവസമായി തുടരുന്ന പ്രക്ഷോഭത്തിലെ സ്ഥിരം സാന്നിധ്യമാണ്.
90 വയസ്സുകാരിയായ അസ്മ ഖാത്തൂനാണ് ഇവരില്‍ പ്രായംകൂടിയ ആള്‍. 82 പിന്നിട്ട ബല്‍കീസ്, 75 വയസ്സുള്ള സര്‍വാരി എന്നിവര്‍ അന്താരാഷ്ട്ര മാധ്യമങ്ങളിലുള്‍പ്പെടെ തങ്ങളുടെ നിലപാടുകള്‍ കൊണ്ട് ശ്രദ്ധേയരായിരുന്നു.
" frameborder="0" allow="autoplay; encrypted-media" allowfullscreen>
https://www.facebook.com/Malayalivartha
