റെയില്‍ പാളം മുറിച്ചുകടക്കുന്നതിനിടെ തലയില്‍ തുളച്ച്‌ കയറിയത് ട്രെയിനിന്റെ മുന്‍ഭാഗത്തെ ഹുക്ക്!! സംഭവമറിയാതെ യുവാവിനെയും കൊണ്ട് ട്രെയിൻ പാഞ്ഞത് നാലു കിലോമീറ്ററോളം... ചിങ്ങവനത്തെ സ്റ്റേഷനിലെത്തിയപ്പോൾ ജീവനക്കാരും ട്രെയിന്‍ യാത്രക്കാരും കണ്ട കാഴ്ച്ച ഭയാനകം...
ഇന്ന് രാവിലെയോടെ ചിങ്ങവനത്തിനും ചങ്ങനാശേരിക്കുമിടെയിലെ പാപ്പാഞ്ചിറയിലാണ് സംഭവം. റെയില്‍ പാളം മുറിച്ചുകടക്കുന്നതിനിടെ ട്രെയിനിന്റെ മുന്‍ഭാഗത്തെ ഹുക്ക് തലയില്‍ തുളച്ച്‌ കയറിയ യുവാവുമായി ട്രെയിന്‍ ഓടിയത് നാലു കിലോമീറ്റര്‍. ഹോസ്പിറ്റലിലെത്തിച്ചെങ്കിലും യുവാവ് മരിച്ചു. കൊല്ലം എറണാകുളം പാസഞ്ചര്‍ പാപ്പാഞ്ചിറ ക്രോസിന് സമീപമെത്തിയപ്പോഴാണ് മുണ്ട് ധരിച്ചെത്തിയ ഇതര സംസ്ഥാനക്കാരനെന്ന് തോന്നിക്കുന്ന യുവാവ് പാളം മുറിച്ച്‌ കടക്കാന്‍ ശ്രമിച്ചത്, ഇയാള്‍ ട്രാക്കില്‍ നിന്ന് ഓടി മാറിയെന്ന് ധരിച്ച ലോക്കോ പൈലറ്റ് പിന്നീട് ചിങ്ങവനം വരെ ട്രെയിന്‍ സാവധാനത്തില്‍ ഓടിക്കുകയും ചിങ്ങവനത്ത് വിവരം അറിയിക്കുകയുമായിരുന്നു. എന്നാല്‍ ട്രാക്കില്‍ നിന്ന് മാറുന്നതിനിടെ ഇയാള്‍ ട്രെയിനിന്റെ മുന്‍ഭാഗത്ത് കുടുങ്ങിപ്പോയി, ഹുക്കില്‍ തൂങ്ങിയ ഇയാളുടെ ശരീരത്തിലൂടെ കമ്ബികള്‍ തുളച്ചു കയറിയതായാണ് വിവരം. ചിങ്ങവനത്തെ സ്റ്റേഷനിലെത്തുമ്ബോഴാണ് ജീവനക്കാരും ട്രെയിന്‍ യാത്രക്കാരും ട്രെയിനിന്റെ മുന്‍ഭാഗത്ത് കുരുങ്ങിയ നിലയില്‍ ഇയാളെ കണ്ടത്, തലയോട്ടിയിലേക്ക് വരെ കമ്ബികള്‍ കയറിയതായാണ് സൂചന, ഗുരുതരമായി പരിക്കേറ്റ ഇയാളെ മെഡിക്കല്‍ കോളജിലേക്ക് മാറ്റിയിരുന്നു..
https://www.facebook.com/Malayalivartha
