പക്ഷിപ്പനി പടർന്ന് പിടിക്കുന്ന സാഹചര്യത്തിൽ കോഴി ഇറച്ചിയുടെ വില കുറയുന്നു. നാലു കോഴിമുട്ടയുടെ വില മാത്രമേ ഉളളൂ ഇപ്പോൾ കോഴിക്കും. ഈ കര്യം ഏവരെയും ഞെട്ടിക്കുന്നു. ഇന്നലെ മാത്രമായി തൃശൂരിൽ ചിലയിടത്ത് കോഴിയുടെ വില 19 രൂപയായിരുന്നു . നാലു മുട്ട വാങ്ങണമെങ്കിൽ രൂപ 20 ആണ്എ ന്നിരിക്കെ കോഴിയുടെ വില 19 എന്ന സാഹചര്യം. പക്ഷിപ്പനിയുടെ പശ്ചാത്തലത്തിൽ നാട്ടിലെങ്ങും കോഴിക്കു വില കുറഞ്ഞതോടെ മത്സരവും കടുത്തിരിക്കുകയാണ് . ജില്ലയിലെ അരിമ്പൂർ സെന്ററിലാണ് ഇന്നലെ 19 രൂപയ്ക്കു കോഴിവിൽപന നടന്നത്. കിലോയ്ക്കു 45 രൂപയ്ക്കായിരുന്നു ഇന്നലെ കച്ചവടം തുടങ്ങിയത്. പക്ഷേ, ചില കടകൾ തമ്മിൽ മത്സരം വന്നതോടെ അത് 35ലേക്കു താഴുകയും ചെയ്തു . പിന്നെയത് മത്സരിച്ചു മത്സരിച്ചു കൂവി 19 രൂപയിലെത്തുന്ന കാഴ്ച്ചയായിരുന്നു. 19 രൂപ വിലയുള്ള കോഴി 10 രൂപ കട്ടിങ് ചാർജ് സഹിതം വിൽക്കുന്ന സ്ഥിതിയും ഉണ്ടായി. മിക്ക കോഴിക്കടകളിലും ഉച്ച കഴിഞ്ഞപ്പോൾ കച്ചവടം കഴിയുകയും ചെയ്തു . കോഴി വ്യാപാരികളും കോഴിക്കർഷകരും വൻ നഷ്ടമാണ് നേരിടുന്നത്.

നൂറിനുമുകളിൽ വിലയുണ്ടായിരുന്ന കോഴിവിലയാണ് ഇപ്പോൾ ചിക്കിച്ചികഞ്ഞ് 50നു താഴെയെത്തിയിരിക്കുന്നത്. കിലോ 35 രൂപ വിലവരുന്ന കോഴിത്തീറ്റ ദിവസം 200 ഗ്രാമെങ്കിലും ഒരു കോഴിക്കു നൽകണം എന്ന അവസ്ഥയുമുണ്ട് . അതായത് ഏഴു രൂപ ഒരു കോഴിക്ക് ഒരു ദിവസം ചെലവു വരും. കോഴികളെ എത്രയും വേഗം വിറ്റഴിച്ചു നഷ്ടം പരമാവധി ഒഴിവാക്കാൻ ഫാമുടമകൾ നടത്തുന്ന ശ്രമത്തിന്റെ ഫലമായി കോഴിക്കു വീണ്ടും വിലയിടിഞ്ഞു. കർഷകൻ 50 രൂപ കൊടുത്തായിരുന്നു കോഴിക്കുഞ്ഞിനെ വാങ്ങിയത്. ഇപ്പോൾ ആ വിലയ്ക്കു ഒരു കിലോയിലേറെ കോഴിയിറച്ചി കിട്ടുമെന്ന സ്ഥിതിയാണ് നിലവിൽ ഉള്ളത് . ഇപ്പോഴും തമിഴ്നാട്, ആന്ധ്ര തുടങ്ങിയ സ്ഥലങ്ങളിൽ നിന്നു കോഴികളെ എത്തിക്കുന്നുണ്ട്. ഇതു നിരോധിച്ചാൽ കേരളത്തിലെ കർഷകർക്കു താൽക്കാലികമായെങ്കിലും പിടിച്ചു നിൽക്കാമെന്ന അവസ്ഥയാണ്. കോഴിപ്പനി കോഴിക്കോടു മാത്രമാണെങ്കിലും അതിന്റെ പ്രതിഫലനം മറ്റു ജില്ലകളിലേക്കും പടർരുകയും ചെയ്തിട്ടുണ്ട് .