'നീയും, കോവിഡ് പിടിക്കാതിരിക്കാനും ആരെയും പിടിപ്പിക്കാതിരിക്കാനും വീട്ടിൽ ഇരിക്കുക കള്ളാ.... '; അവസാനം സഹികെട്ട് കള്ളന് കത്തെഴുതി, കോറോണയെ പിടിക്കാത്ത കള്ളനുള്ള കത്ത് ഇങ്ങനെ
കൊറോണ പകരാതിരിക്കാൻ ആർക്കും പകർത്താതിരിക്കാൻ ലോകം ഒന്നടങ്കം വീട്ടിൽ തന്നെ കഴിയുകയാണ്. എന്നാൽ ഇപ്പോൾ കോറോണയെ മാത്രമല്ല കള്ളനെയും പേടിക്കേണ്ട അവസ്ഥയാണ് ഉരുവായിരിക്കുന്നത്. തുടർച്ചയായി 2 ദിവസം രാത്രിയിൽ വീട്ടിൽ മോഷണശ്രമം നടന്നതിൽ സഹികെട്ട് നാലുകോടി ആലഞ്ചേരി ജോസഫ് മാത്യു സമൂഹമാധ്യമങ്ങളിൽ എഴുതിയ കുറിപ്പ് വ്യത്യസ്തമായിരിക്കുകയാണ്. ഒപ്പം വളരെ വൈറലായി മാറിയിരിക്കുകയാണ്. എന്നാൽ ലോക്ഡൗൺ സമയത്ത് വീട്ടിലിരിക്കാതെ മോഷണത്തിനിറങ്ങിയയാൾക്ക് കൊറോണയെ സംബന്ധിച്ച കണക്കുകളും ആശങ്കയും സുരക്ഷാ മുൻകരുതൽ സ്വീകരിക്കേണ്ട ആവശ്യകതയും കുറിപ്പിൽ വ്യക്തമാക്കുന്നു.
നിർമാണ കരാറുകാരനായ ജോസഫ് എഴുതിയ കുറിപ്പിന്റെ പ്രസക്ത ഭാഗങ്ങൾ ഇങ്ങനെയാണ് : ‘പ്രിയപ്പെട്ട കള്ളാ, ഈ കൊറോണക്കാലത്ത് ലോകം മുഴുവൻ പട്ടിണിയും പരിവട്ടവുമായി കഴിയുന്ന ഘട്ടത്തിൽ , നീ ജീൻ വാൽ ജീനെപ്പോലെ, വിശപ്പ് സഹിക്കാനാകാതെ ഒരു റൊട്ടിക്കഷണത്തിനായി ഏതോ ബോർമയെന്നു കരുതിയാകും എന്റെ ഭവനത്തിൽ കയറിയത്.
അലിവുള്ളവരാണെങ്കിലും അസമയത്തുള്ള നിന്റെ വരവ് കുടുംബത്തെ ഭയചരിതരാക്കും. ചിലപ്പോൾ നിന്നെ ഉപദ്രവിക്കാനും കാരണമാകും.അതുകൊണ്ട് നിനക്ക് എന്താണ് വേണ്ടതെന്നും എപ്പോൾ വേണമെന്നും അറിയിക്കുക. ഞാൻ അത് എന്റെ വീടിന്റെ തിണ്ണയിൽ വയ്ക്കാം. ക്വാറന്റീൻ ആയതുകൊണ്ടു ഞങ്ങൾ വെളിയിൽ ഇറങ്ങില്ല.
നീയും, കോവിഡ് പിടിക്കാതിരിക്കാനും ആരെയും പിടിപ്പിക്കാതിരിക്കാനും വീട്ടിൽ ഇരിക്കുക’. ഈ ഗുരുതര ദിനങ്ങൾ കഴിയുമ്പോൾ വിശദമായി കാണണമെന്നും കതകിൽ മുട്ടുന്ന ശബ്ദം കേട്ടിരുന്നെങ്കിലും ഗൃഹനാഥനും നായികയും തമ്മിലുള്ള ആശയപ്പിശകാണ് കള്ളനെ പിടിക്കാൻ കഴിയുമെന്നും അദ്ദേഹം കുറിപ്പിൽ വ്യക്തമാക്കുയാണ്.
https://www.facebook.com/Malayalivartha