മ​റ്റു സം​സ്ഥാ​ന​ങ്ങ​ളി​ല്‍ കു​ടു​ങ്ങി​പ്പോ​യ​വ​ര്‍ നാ​ട്ടി​ലേ​ക്കു വ​രാ​ന്‍ ധാ​രാ​ള​മാ​യി അ​പേ​ക്ഷി​ക്കു​ന്നു​ണ്ടെ​ന്നു വ്യക്തമാക്കി മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍. കോ​വി​ഡ് പ്ര​തി​രോ​ധ ന​ട​പ​ടി​ക​ള്‍ വി​ല​യി​രു​ത്താ​ന്‍ ജി​ല്ലാ ക​ല​ക്ട​ര്‍​മാ​രു​മാ​യും ജി​ല്ലാ മെ​ഡി​ക്ക​ല്‍ ഓ​ഫീ​സ​ര്‍​മാ​രു​മാ​യും ജി​ല്ലാ പോ​ലീ​സ് മേ​ധാ​വി​ക​ളു​മാ​യും വീ​ഡി​യോ കോ​ണ്‍​ഫ​റ​ന്‍​സി​ലൂ​ടെ സം​സാ​രി​ക്കു​ക​യാ​യി​രു​ന്നു അദ്ദേഹം.

ലോ​ക്ഡൗ​ണ്‍ ജ​ന​ങ്ങ​ള്‍​ക്ക് വി​വ​ര​ണാ​തീ​ത​മാ​യ പ്ര​യാ​സ​ങ്ങ​ള്‍ ഉ​ണ്ടാ​ക്കു​ന്നു​ണ്ട്. എ​ന്നാ​ല്‍ ഈ ​ഘ​ട്ട​ത്തി​ല്‍ ഒ​രു​പാ​ട് ഇ​ള​വു​ക​ള്‍ ന​ല്‍​കാ​നാ​വി​ല്ല. ഉ​ദ്യോ​ഗ​സ്ഥ​ര്‍ ഉ​റ​ച്ച​നി​ല​പാ​ട് എ​ടു​ക്ക​ണം. എ​ന്നാ​ല്‍ ജ​ന​ങ്ങ​ളോ​ടു​ള്ള സ​മീ​പ​നം സൗ​ഹാ​ര്‍​ദ​പ​ര​വും സ​ഹാ​നു​ഭൂ​തി​യു​ള്ള​തു​മാ​ക​ണം. തീ​രു​മാ​ന​മെ​ടു​ക്കു​ന്പോ​ള്‍ പ്രാ​യോ​ഗി​ക സ​മീ​പ​നം വേ​ണം. അ​നു​വ​ദി​ക്കാ​ന്‍ ക​ഴി​യാ​ത്ത കേ​സു​ക​ള്‍ അ​പേ​ക്ഷ​ക​രെ ബോ​ധ്യ​പ്പെ​ടു​ത്ത​ണം. അ​വ​രു​ടെ വി​കാ​രം ക​ണ​ക്കി​ലെ​ടു​ക്ക​ണ​മെ​ന്നും മു​ഖ്യ​മ​ന്ത്രി പ​റ​ഞ്ഞു.

ഹോ​ട്ട്സ്പോ​ട്ട് ആ​യ മേ​ഖ​ല​ക​ളി​ല്‍ ആ​ളു​ക​ള്‍​ക്ക് പു​റ​ത്തി​റ​ങ്ങാ​ന്‍ പ​റ്റി​ല്ല. അ​തു​കൊ​ണ്ട് ഭ​ക്ഷ്യ​സാ​ധ​ന​ങ്ങ​ള്‍ വീ​ടു​ക​ളി​ല്‍ എ​ത്തു​ന്നു എ​ന്ന് ഉ​റ​പ്പാ​ക്ക​ണം. രോ​ഗ​ല​ക്ഷ​ണ​മി​ല്ലാ​ത്ത​വ​രെ​യും പ​രി​ശോ​ധ​ന​യ്ക്ക് വി​ധേ​യ​മാ​ക്ക​ണം. അ​തി​നാ​വ​ശ്യ​മാ​യ കി​റ്റ് സ​ര്‍​ക്കാ​ര്‍ ല​ഭ്യ​മാ​ക്കും. ഇ​പ്പോ​ള്‍ ക്വാ​റ​ന്ൈ‍​റ​നി​ല്‍ ക​ഴി​യു​ന്ന മു​ഴു​വ​ന്‍ പേ​രെ​യും പ​രി​ശോ​ധ​ന​യ്ക്ക് വി​ധേ​യ​മാ​ക്കാ​ന്‍ ക​ഴി​യ​ണ​മെ​ന്നും മു​ഖ്യ​മ​ന്ത്രി പറഞ്ഞു.

സംസ്ഥാനത്ത് ഇന്ന് 11 പേര്‍ക്ക് കൊവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര്‍ അറിയിച്ചു. ഇടുക്കി ജില്ലയില്‍ നിന്നുമുള്ള 6 പേര്‍ക്കും കോട്ടയം ജില്ലയില്‍ നിന്നുള്ള 5 പേര്‍ക്കുമാണ് രോഗം സ്ഥിരീകരിച്ചത്. ഇടുക്കി ജില്ലയിലുള്ള ആറുപേരില്‍ ഒരാള്‍ വിദേശത്തുനിന്നും (സ്‌പെയിന്‍) രണ്ട് പേര്‍ തമിഴ്‌നാട്ടില്‍ നിന്നും വന്നതാണ്. 3 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. ഇതില്‍ ഒരാള്‍ ഡോക്ടറാണ്. കോട്ടയം ജില്ലയിലെ ഒരാള്‍ സംസ്ഥാനത്തിന് പുറത്ത് നിന്നും വന്നതാണ്. 4 പേര്‍ക്ക് സമ്പര്‍ക്കത്തിലൂടെയാണ് രോഗം ഉണ്ടായത്. അതില്‍ രണ്ട് പേര്‍ ആരോഗ്യ പ്രവര്‍ത്തകരാണ്.

സംസ്ഥാനത്ത് 4 പേരാണ് ഇന്ന് രോഗമുക്തി നേടിയത്. തിരുവനന്തപുരം, മലപ്പുറം, കണ്ണൂര്‍, കാസര്‍ഗോഡ് ജില്ലകളില്‍ നിന്നും ഓരോരുത്തരുടെ പരിശോധനാഫലമാണ് ഇന്ന് നെഗറ്റീവ് ആയത്. ഇതോടെ 342 പേരാണ് ഇതുവരെ കോവിഡില്‍ നിന്നും രോഗമുക്തി നേടിയത്. 123 പേരാണ് നിലവില്‍ സംസ്ഥാനത്തെ വിവിധ ആശുപത്രികളില്‍ ചികിത്സയിലുള്ളത്.

സംസ്ഥാനത്തെ വിവിധ ജില്ലകളിലായി 20,127 പേര്‍ നിരീക്ഷണത്തിലാണ്. ഇവരില്‍ 19,665 പേര്‍ വീടുകളിലും 462 പേര്‍ ആശുപത്രികളിലും നിരീക്ഷണത്തിലാണ്. 99 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. രോഗലക്ഷണങ്ങള്‍ ഉള്ള 22,954 വ്യക്തികളുടെ സാമ്പിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ ലഭ്യമായ 21,997 സാമ്പിളുകളുടെ പരിശോധനാഫലം നെഗറ്റിവ് ആണ്.

പുതുതായി 3 ഹോട്ട് സ്‌പോട്ടുകള്‍ കൂടി ഉള്‍പ്പെടുത്തിയിട്ടുണ്ട്. കൊല്ലം ജില്ലയിലെ ചാത്തന്നൂര്‍, ശാസ്താംകോട്ട, കോട്ടയം ജില്ലയിലെ മണര്‍ക്കാട് എന്നിവയാണ് പുതിയ ഹോട്ട് സ്‌പോട്ടുകള്‍. ഇതോടെ ഹോട്ട് സ്‌പോട്ടുകളുടെ എണ്ണം 87 ആയി.