കഴിഞ്ഞ ദിവസമാണ് സംഭവം. കോവിഡിനിടയിലും അതിക്രമങ്ങൾ വർദ്ധിക്കുകയാണ്. ചെറിയ കുറ്റകൃത്യങ്ങൾ കുറഞ്ഞ രീതിയിൽ കാണുമ്പോൾ കൊലപതാകങ്ങൾ കൂടുന്ന കാഴ്ചയാണ് ഇപ്പോൾ. ഇപ്പോഴിതാ പുറത്ത് വരുന്നത് ഞെട്ടിക്കുന്ന വിവരങ്ങളാണ്. വീട്ടുവളപ്പിലിട്ട് ചപ്പുചവര്‍ കത്തിച്ചതിന്റെ പുകയെചൊല്ലിയുള്ള സംഘര്‍ഷത്തില്‍ അയല്‍വാസികള്‍ തമ്മിലുണ്ടായ വാക്കു തര്‍ക്കം കലാശിച്ചത് വെടിവെപ്പില്‍. ചെറുവത്തൂരിലാണ് സംഭവം.

കെ.സി സുരേന്ദ്രനാണ് അയല്‍വാസിപി.സനലിന്റെ വെടിയേറ്റ് വീണത്. ഭാര്യയുടെ കണ്‍മുന്നിലാണ് സുരേന്ദ്രന്‍ വെടിയേറ്റ് വീണത്. ഇവര്‍ക്ക് എന്തെങ്കിലും ചെയ്യാന്‍കഴിയുംമുമ്ബ് തൊണ്ടയ്ക്ക് വെടിയേറ്റ സുരേന്ദ്രന്‍ വീട്ടുമുറ്റത്ത് മരിച്ചുവീണു. മതിലില്ലാത്ത പറമ്ബില്‍ അടുത്തടുത്താണ് രണ്ട് കുടുംബങ്ങളും താമസം. നേരത്തേതന്നെ ഇവര്‍ തമ്മില്‍ അതിര്‍ത്തിത്തര്‍ക്കം നിലനിന്നിരുന്നു.

ഇതിനിടെ, ഞായറാഴ്ച ഉച്ചയ്ക്ക് മൂന്നോടെ സുരേന്ദ്രന്‍ പറമ്ബിന്റെ മൂലയില്‍ ചപ്പുചവറുകള്‍ കൂട്ടിയിട്ട് തീകൊളുത്തി. ഇതിന്റെ പുക തന്റെ വീട്ടിലേക്ക് കയറുന്നതായി ആരോപിച്ച്‌ സനല്‍ സുരേന്ദ്രനുമായി തര്‍ക്കിച്ചു.

വൈകുന്നേരം വീണ്ടും തര്‍ക്കമുണ്ടായി. അയല്‍വാസികള്‍ ഇരുവരെയും സമാധാനിപ്പിച്ചുവിട്ടു. വീടിനകത്തേക്ക് കയറിയ സുരേന്ദ്രന്‍ വീണ്ടും പുറത്തുവന്നപ്പോള്‍ സനല്‍ വീട്ടില്‍നിന്ന് തോക്കുമായി വന്ന് വെടിയുതിര്‍ക്കുകയായിരുന്നുവെന്ന് പോലീസ് പറഞ്ഞു.

വെടി ശബ്ദവും സുകുമാരിയുടെ നിലവിളിയും കേട്ടാണ് അയല്‍വാസികളെത്തിയത്. നായാട്ടിനും മറ്റും ഉപയോഗിക്കുന്ന നാടന്‍ തോക്കാണ് സനലിന്റെ പക്കലുണ്ടായിരുന്നതെന്നും ഇതിന് ലൈസന്‍സില്ലെന്നും പോലീസ് പറഞ്ഞു. സംഭവസ്ഥലത്തുനിന്ന് വാഹനത്തില്‍ കടന്നുകളഞ്ഞ സനല്‍ തോക്ക് മാപ്പച്ചാല്‍ പുഴയില്‍ ഉപേക്ഷിച്ചതായി പോലീസിനോടു പറഞ്ഞു. ഇത് കണ്ടെത്താന്‍ തിരച്ചില്‍ നടക്കുന്നുണ്ട്.