സര്‍ക്കാര്‍ ജീവനക്കാരുടെ ശമ്പളം പിടിക്കാനുള്ള സര്‍ക്കാര്‍ തീരുമാനത്തിനെതിരെ വിവിധ സര്‍വീസ് സംഘടനകള്‍ ഹര്‍ജിയുമായി ഹൈക്കോടതിയില്‍. ഹര്‍ജി നാളെ കോടതി പരിഗണിച്ചേക്കുമെന്ന് സൂചന. കഴിഞ്ഞ ദിവസമാണ് സര്‍ക്കാര്‍ ജീവനക്കാരുടെ ഒരു മാസത്തെ ശമ്പളം പിടിക്കാനുള്ള സര്‍ക്കാരിന്റെ ഉത്തരവ് ഇറങ്ങിയത്.

ഒരു മാസത്തെ ശമ്പളം ഒരോ മാസവും ആറുദിവസത്തെ ശമ്പളം വീതം അഞ്ചു മാസംകൊണ്ടു പിടിക്കാനാണ് സര്‍ക്കാര്‍ തീരുമാനിച്ചത്. ഇതിനെ ചോദ്യം ചെയ്തുകൊണ്ടാണ് സര്‍ക്കാര്‍ ജീവനക്കാരുടെ വിവിധ സംഘടനകള്‍ ഹരജിയുമായി ഹൈക്കോടതിയെ സമീപിച്ചിരിക്കുന്നത്.

സംസ്ഥാന സര്‍ക്കാരിന്റെ തീരുമാനം അശാസ്ത്രീയവും നിയമവിരുദ്ധമാണെന്നുമാണ് ഹര്‍ജിയില്‍ പ്രധാനമായും ആരോപിക്കുന്നത്. ഇക്കാരണത്താല്‍ തീരുമാനം അടിയന്തരമായി ഉത്തരവ് റദ്ദ് ചെയ്യണമെന്നും ഹര്‍ജിയില്‍ ആവശ്യപ്പെടുന്നു.