വന്ദേ ഭാരത് മിഷന്‍: ചരിത്ര ദൗത്യത്തെ കുറിച്ച് അഭിമാനം പങ്കുവച്ച് ക്യാപ്റ്റന്‍
വന്ദേ ഭാരത് മിഷന്റെ ഒഴിപ്പിക്കല്‍ ദൗത്യത്തിന്റെ ഭാഗമായി എത്തിയ വിമാനം ലാന്‍ഡ് ചെയ്ത ശേഷം യാത്രക്കാര്‍ക്കു നല്‍കിയ ചെറു സന്ദേശത്തില്‍ വിമാനത്തിന്റെ ക്യാപ്റ്റന്‍ അഭിമാന നിമിഷത്തിന്റെ സന്തോഷം പങ്കുവച്ചു.
കോവിഡ് 19 ഭീതിയിലായിരുന്ന വിദേശത്തു നിന്നുള്ള സഹോദരങ്ങളുമായി നാട്ടിലേക്കു പറക്കാന്‍ സാധിച്ചതില്‍ അഭിമാനമെന്ന് ദൗത്യം ഏറ്റെടുത്ത വിമാനത്തിന്റെ ക്യാപ്റ്റന്‍ അന്‍ഷുല്‍ ഷെറോണ്‍. ഇത് എനിക്കും ടീമിനുമുള്ള അംഗീകാരമാണെന്നു പറഞ്ഞ അദ്ദേഹം ചരിത്ര ദൗത്യത്തിനാണ് നമ്മള്‍ പങ്കാളികളായിരിക്കുന്നതെന്നും പറഞ്ഞു.
എയര്‍ ഇന്ത്യയ്ക്ക് ഈ ദൗത്യത്തിന്റെ ഭാഗമാകാന്‍ കഴിഞ്ഞതിലും അഭിമാനമുണ്ട്. ഇന്ത്യയിലേക്കുള്ള വ്യോമഗതാഗതം നിര്‍ത്തിവച്ച് ഏഴ് ആഴ്ചകള്‍ പിന്നിട്ട ശേഷം ഇന്ത്യയിലേക്കുള്ള ആദ്യ വിമാനമാണിത്. അഭിമാന നിമിഷമാണിത്. സ്വന്തക്കാരും രാജ്യവും നിങ്ങള്‍ എത്തുന്നതിനായി കാത്തിരിക്കുകയാണ്. വന്ദേ ഭാരത് മിഷന്റെ ഒഴിപ്പിക്കല്‍ ദൗത്യത്തിന്റെ ഭാഗമായി യാത്രക്കാര്‍ എല്ലാവരും കര്‍ശനമായ സുരക്ഷാ മുന്‍കരുതലുകളെടുക്കണമെന്നും അദ്ദേഹം പറഞ്ഞു.
ഓപ്പറേഷന്‍ സമുദ്ര സേതു ദൗത്യത്തില്‍ പങ്കെടുക്കുന്ന കപ്പലുകളെ അറബിക്കടലിനു മുകളിലൂടെ പറക്കുമ്പോള്‍ ക്യാപ്റ്റന്‍ യാത്രക്കാര്‍ക്ക് കാണിച്ചു കൊടുത്തിരുന്നു. ക്യാപ്റ്റന്‍ അന്‍ഷുല്‍ ഷെറോണിനു പുറമെ കോ പൈലറ്റ് ക്യാപ്റ്റന്‍ റിസ്‌വിന്‍ നാസര്‍, ക്യാബിന്‍ ക്രൂമാരായ ദീപക്, റിയങ്ക, അജഞന, തഷിബൂട്ടിയ എന്നിവരാണ് വിമാനത്തിലുണ്ടായിരുന്നത്.
https://www.facebook.com/Malayalivartha
