പാമ്പു കടിയേറ്റ് ചികിത്സ കഴിഞ്ഞ് വിശ്രമത്തില്‍ കഴിയവേ വീണ്ടും പാമ്പ് കടിയേറ്റ് യുവതി മരിച്ചു.അഞ്ചല്‍ ഏറം വെള്ളശ്ശേരി വീട്ടില്‍ വിജയസേനന്‍-മണിമേഖല ദമ്പതിമാരുടെ മകള്‍ ഉത്ര (25) ആണ് മരിച്ചത്. ഇന്നലെ രാവിലെ ഉത്രയെ വിളിച്ചിട്ടും ഉണരാതായതോടെ വീട്ടുകാര്‍ അഞ്ചലിലെ സ്വകാര്യ ആശുപത്രിയില്‍ എത്തിച്ചപ്പോഴാണ് പാമ്പുകടിച്ച വിവരം അറിഞ്ഞത്

. ബന്ധുക്കള്‍ വീട്ടിലെത്തി പരിശോധിച്ചപ്പോള്‍ മുറിക്കുള്ളില്‍ മൂര്‍ഖന്‍ പാമ്പിനെ കണ്ടെത്തുകയായിരുന്നു. രാത്രി തുറന്നിട്ടിരുന്ന ജനലിലൂടെയാകാം പാമ്പ് അകത്ത് കടന്നത്. കഴിഞ്ഞ മാര്‍ച്ച് രണ്ടിന് അടൂര്‍, പറക്കോട് ഭര്‍ത്താവിന്റെ വീട്ടില്‍വെച്ച് ഉത്രയെ പാമ്പുകടിച്ചിരുന്നു. അണലി വര്‍ഗത്തില്‍പ്പെട്ട പാമ്പാണ് കടിച്ചത്. ഇതിന്റെ ചികിത്സ കഴിഞ്ഞ് ഏറത്തെ വീട്ടില്‍ വിശ്രമിക്കവേയാണ് വീണ്ടും പാമ്പുകടിയേറ്റത്. ഭര്‍ത്താവ്: സൂരജ്. മകന്‍: ഒരുവയസ്സുള്ള ധ്രുവ്.