മറ്റു സംസ്ഥാനങ്ങളില്‍ നിന്നും കേരളത്തിലേക്ക് വരാനുള്ള പാസ് നിര്‍ത്തി
ഇതര സംസ്ഥാനങ്ങളില്‍ നിന്നു കേരളത്തിലേക്കു മടങ്ങിവരുന്നവര്‍ക്ക് നടത്തിയിരുന്ന റജിസ്‌ട്രേഷനും പാസ് നല്‍കലും തല്‍ക്കാലം നിര്‍ത്തി. ക്വാറന്റീന്‍ സംബന്ധിച്ച ആശയക്കുഴപ്പത്തെത്തുടര്‍ന്നാണ് ഈ നീക്കം.
സര്‍ക്കാര്‍ ക്വാറന്റീനില്‍ 14 ദിവസമാണ് മറ്റു സംസ്ഥാനങ്ങളിലെ റെഡ് സോണ്‍ ജില്ലകളില്‍ നിന്നുള്ളവരെ താമസിപ്പിക്കേണ്ടത് എന്ന തീരുമാനത്തെത്തുടര്‍ന്നാണിത്. ഇന്നു വൈകിട്ടോ നാളെയോ റജിസ്‌ട്രേഷന്‍ പുനരാരംഭിക്കുമെന്നാണ് സൂചന.
13,000 പേരാണ് മറ്റു സംസ്ഥാനങ്ങളില്‍ നിന്നു കഴിഞ്ഞ 4 ദിവസത്തിനിടെ വന്നത്. ഇവരില്‍ റെഡ് സോണ്‍ ജില്ലകളില്‍ നിന്ന് എത്രപേരുണ്ടെന്നു വ്യക്തമല്ല. 6 ചെക് പോസ്റ്റുകളിലെ വിവരങ്ങളുടെ അടിസ്ഥാനത്തില്‍ ഇവരെ കണ്ടെത്തി ക്വാറന്റീന്‍ കേന്ദ്രങ്ങളിലെത്തിക്കുന്ന നടപടികള്‍ പുരോഗമിക്കുകയാണ്.
റെഡ് സോണില്‍ നിന്നുള്ളവരെ ഇന്നലെ മുതല്‍ ചെക്‌പോസ്റ്റില്‍ നിന്നു നേരിട്ട് ക്വാറന്റീന്‍ കേന്ദ്രങ്ങളിലെത്തിച്ചു തുടങ്ങി. റജിസ്റ്റര്‍ ചെയ്ത 44,000 പേര്‍ക്ക് മേയ് 17 വരെയുള്ള തീയതികളിലായി കലക്ടര്‍മാര്‍ പാസ് അനുവദിച്ചിട്ടുണ്ട്. ഇവര്‍ക്കു നിശ്ചിത തീയതികളില്‍ എത്താം.
https://www.facebook.com/Malayalivartha
