തിരുവനന്തപുരത്ത് ലോക്ഡൗണ്‍ മാനദണ്ഡം ലംഘിച്ച് കച്ചവടം നടത്തിയ ബഹുനില ടെക്സ്റ്റൈല്‍ മാളില്‍ റെയ്ഡ്. തിരുവനന്തപുരം അട്ടക്കുളങ്ങരയിലെ ഏഴ് നിലയുള്ള രാമചന്ദ്രന്‍‍ ടെക്സ്റ്റൈല്‍സാണ് ലോക്ഡൗണ്‍ കാലത്തും തുറന്നു പ്രവർത്തിച്ചത് .

തഹസില്‍ദാറിന്‍റെ നേതൃത്വത്തില്‍ ആണ് റെയ്ഡ് നടന്നത്. മാളിന്‍റെ ഭാഗമായ സൂപ്പര്‍ മാര്‍ക്കറ്റ് പ്രവര്‍ത്തിക്കുന്നുണ്ട്. ഇതിനു അനുബന്ധമായുള്ള നാലു നില ടെക്സ്റ്റൈല്‍സ് പ്രവർത്തിച്ചതിനാലാണ് റെയ്ഡ് നടന്നത്

ഒരു നിലയുള്ള ടെക്സ്റ്റയില്‍സിന് മാത്രമാണ് ലോക്ഡൗണ്‍ ഇളവ് നല്‍കിയിട്ടുള്ളു . ബഹുനില ടെക്സ്റ്റയിലോ മാളോ തുറക്കാന്‍ പാടില്ല എന്നാണ് വ്യവസ്ഥ. എന്നാല്‍ ഏഴു നിലകളുള്ള രാമചന്ദ്രന്‍ ടെക്സ്റ്റയില്‍സിന്‍റെ പ്രവര്‍ത്തനം ചട്ടങ്ങളൊക്കെ കാറ്റില്‍പ്പറത്തിയായിരുന്നു ഗ്രൌണ്ട് ഫ്ലോറില്‍ തന്നെ തുണിക്കച്ചവടം തകൃതിയായി നടന്നത്