ഐടി കമ്ബനി ജീവനക്കാരിയായ യുവതിയെ കിടപ്പുമുറിയില്‍ മരിച്ച നിലയില്‍ കണ്ടെത്തി. കാവാലം പുത്തന്‍പറമ്ബില്‍ ഇല്ലിക്കളം പി.ജെ.ജോസഫിന്റെയും ഗ്രേസമ്മയുടെയും മകള്‍ ജീന ജോസഫ് (26) ആണ് മരിച്ചത്.

കൊച്ചി ഇന്‍ഫോപാര്‍ക്കിലെ കമ്ബനിയില്‍ ജീവനക്കാരിയാണ്. ലോക്ക്ഡൗണ്‍ കാരണം വീട്ടിലായിരുന്ന ജീനയ്ക്ക് ഹൈദരാബാദ് യൂണിറ്റിലേക്കു മാറണമെന്ന അറിയിപ്പ് ലഭിച്ചിരുന്നു.

ബുധനാഴ്ച രാത്രി കിടപ്പുമുറിയിലേക്ക് പോയ യുവതി ഇന്നലെ രാവിലെ 8 മണിയായിട്ടും കതകു തുറക്കാതിരുന്നതോടെ ബന്ധുക്കള്‍ വാതില്‍ പൊളിച്ചു നോക്കിയപ്പോഴാണ് മരിച്ച നിലയില്‍ കണ്ടെത്തിയത്. അവിവാഹിതയാണ്.

അതേസമയം അട്ടപ്പാടിയില്‍ കോവിഡ് നിരീക്ഷണത്തിലിരുന്ന യുവാവ് മരിച്ചു. ഷോളയൂര്‍ വരഗം പാടി സ്വദേശി കാര്‍ത്തിക് (23) ആണ് മരിച്ചത്. രണ്ടു ദിവസമായി പനി തുടങ്ങിയിരുന്ന ഇയാള്‍ കോട്ടത്തറ സര്‍ക്കാര്‍ ആശുപത്രിയിലും പെരിന്തല്‍മണ്ണ ഇ എംഎസ് ആശുപത്രിയിലും ചികിത്സ തേടിയിരുന്നു. രോഗം മൂര്‍ച്ഛിച്ച്‌ മഞ്ചേരി മെഡിക്കല്‍ കോളേജിലേക്ക് കൊണ്ടുപോകുമ്ബോഴായിരുന്നു മരണം.

മഞ്ഞപ്പിത്തവും വൃക്കരോഗവും ഉണ്ടായിരുന്നതായിട്ടാണ് ഡോക്ടര്‍മാര്‍ പറഞ്ഞത്. കഴിഞ്ഞ ദിവസം രോഗം കൂടിയതോടെയാണ് മെഡിക്കല്‍ കോളേജിലേക്ക് മാറ്റിയത്. ഇയാള്‍ക്ക് കോവിഡ് രോഗം ഉണ്ടായിരുന്നോ എന്ന പരിശോധന നടത്തും. കോയമ്ബത്തൂരില്‍ ആയിരുന്നു കാര്‍ത്തിക് അവിടെ നിന്നും ഏപ്രില്‍ 29 നാണ് നാട്ടിലെത്തിയത്. വനത്തിലൂടെ നടന്നാണ് ഊരിലെത്തിയത്്.

സംസ്ഥാനത്ത് ഇന്നലെ ആര്‍ക്കും കോവിഡ് 19 സ്ഥിരീകരിച്ചില്ല. അഞ്ചുപേര്‍ രോഗമുക്തരായി. കണ്ണൂര്‍ ജില്ലയില്‍നിന്നുള്ള മൂന്നുപേരുടേയും കാസര്‍ഗോഡ് ജില്ലയിലെ രണ്ടുപേരുടേയും പരിശോധനാ ഫലമാണു നെഗറ്റീവായത്. ഈ മാസം 1,3,4,6 തിയതികളിലും പുതിയ രോഗികള്‍ ഇല്ലായിരുന്നു. 474 പേരാണ് ഇതുവരെ രോഗമുക്തി നേടിയത്. നിലവില്‍ ചികിത്സയിലുള്ളത് 25 പേര്‍. സംസ്ഥാനത്ത് പുതിയ ഹോട്ട്‌സ്‌പോട്ടുകളില്ല. 56 പ്രദേശങ്ങളെ ഹോട്ട്‌സ്‌പോട്ടില്‍ നിന്നും ഒഴിവാക്കി.

നിലവില്‍ 33 ഹോട്ട് സ്‌പോട്ടുകളാണുള്ളത്. എറണാകുളം, ഇടുക്കി, കണ്ണൂര്‍, കാസര്‍ഗോഡ് ജില്ലകളിലാണ് അവ. വിവിധ ജില്ലകളിലായി 16,693 പേര്‍ നിരീക്ഷണത്തിലുണ്ട്. 16,383 പേര്‍ വീടുകളിലും 310 പേര്‍ ആശുപത്രികളിലും. 131 പേരെ ഇന്നലെ ആശുപത്രിയില്‍ പ്രവേശിപ്പിച്ചു. ഇതുവരെ 35,171 വ്യക്തികളുടെ സാമ്ബിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ ലഭ്യമായ 34,519 സാമ്ബിളുകളുടെ പരിശോധനാഫലം നെഗറ്റിവ് ആണ്.

രാജ്യത്തെ കൊവിഡ് മരണം 1886 ആയി. 56342 പേര്‍ക്കാണ് വിവിധ സംസ്ഥാനങ്ങളിലായി ഇതുവരെ രോഗം സ്ഥിരീകരിച്ചത്. 16539 പേര്‍ക്ക് രോ?ഗം ഭേദമായി. 37916 പേരാണ് ഇപ്പോള്‍ ചികിത്സയിലുള്ളത്. കഴിഞ്ഞ 24 മണിക്കൂറിനിടയില്‍ 103 പേരാണ് കോവിഡ് ബാധിച്ച മരിച്ചത്. 3,390 പുതിയ കേസുകളാണ് 24 ണേിക്കൂറിനിടയില്‍ റിപ്പോര്‍ട്ട് ചെയ്തിരിക്കുന്നത്.