അര്‍ജുന്‍ സുന്ദരേശനിലൂടെ സമുഹ മാധ്യമത്തിലെ പുതുതരംഗമായ വിഡിയോ റിയാക്ഷനിലേക്ക്​ കേരള​ പൊലീസും കടക്കുന്നു. 'പി.സി കുട്ടന്‍പിള്ള സ്​പീക്കിങ്'​ എന്ന പേരിലാണ്​ പൊലീസ്​ വിഡിയോ റിയാക്ഷന്‍ തുടങ്ങുന്നത്​. ഔദ്യോഗിക ഫേസ്​ബുക്ക്​ പേജിലൂടെയാണ്​ കേരള പൊലീസ്​ പു​തിയ ഉദ്യമത്തെ കുറിച്ച്‌​ അറിയിച്ചത്​. ഒരാഴ്ച കൊണ്ട് യൂട്യൂബിന്‍റെ സില്‍വര്‍ ബട്ടണും ഗോള്‍ഡ് ബട്ടണും ഒരുമിച്ച്‌ നേടി യൂട്യൂബിനെ വരെ ഞെട്ടിച്ച്‌ റോസ്റ്റിങ് വീഡിയോകളിലൂടെ ശ്രദ്ധേയനായ അര്‍ജുന്റെ ചിത്രം ഉപയോഗിച്ചാണ് കേരള പൊലീസിന്റെ പ്രചാരണം.

കേരള പൊലീസിന്‍െറ ഫേസ്​ബുക്ക്​ പോസ്​റ്റ്​:

റോസ്റ്റാന്‍ അറിയില്ല. അറിയാവുന്ന റെസിപ്പികളുമായി ഇനി മുതല്‍ PC കുട്ടന്‍പിള്ളയും നിങ്ങള്‍ക്കൊപ്പം. PC കുട്ടന്‍ പിള്ള സ്പീക്കിങ്. സോഷ്യല്‍ മീഡിയയിലെ പുതു തരംഗമായ വീഡിയോ റിയാക്ഷന്‍സ് രംഗത്തേക്ക് ഞങ്ങളും വരുന്നു . തുറന്നുപിടിച്ച കണ്ണുകളുമായി കാതോര്‍ത്ത് സദാസമയം സോഷ്യല്‍ മീഡിയ പട്രോളിംഗ് നടത്തുന്ന ഞങ്ങളുടെ ടീമിന് മുന്നിലേക്കെത്തുന്ന നിങ്ങളുടെ പോസ്റ്റുകളെ ഞങ്ങളും വിലയിരുത്താം .. പ്രോത്സാഹിപ്പിക്കേണ്ടവയെ പ്രോത്സാഹിപ്പിക്കാം.. തിരുത്തേണ്ടത് തിരുത്താം

കേരള പോലീസിന്‍റെ ഔദ്യോഗിക ഫേസ്ബുക് അക്കൗണ്ട് https://www.facebook.com/keralapolice/ യു ട്യൂബ് ചാനല്‍ https://www.youtube.com/channel/UCeSbNelNeZjcmee_UfxOraQ. എന്നിവയിലൂടെ കുട്ടന്‍ പിള്ള ഒന്നാം ഭാഗവുമായി ഉടന്‍ നിങ്ങളുടെ മുന്നിലേക്കെത്തുകയാണ്...

സോഷ്യല്‍ മീഡിയയില്‍ ഞങ്ങളുടെ പിന്‍ബലമായ നിങ്ങളോരോരുത്തരുടേയും സ്നേഹവും സഹകരണവും പ്രതീക്ഷിക്കുന്നു കുട്ടന്‍പിള്ളയുടെ അഭിപ്രായം വേണമെന്ന് നിങ്ങള്‍ക്ക് തോന്നുന്ന വിഡിയോകള്‍, പോസ്റ്റുകള്‍ എന്നിവ 9497900440 എന്ന നമ്ബറിലേക്ക് #kuttanpilla ഹാഷ് ടാഗോടുകൂടി വാട്സ് ആപ്പ് ചെയ്യുക.