ഉമ്മന് ചാണ്ടി കട്ടക്കിറങ്ങി വെട്ടിലായി പിണറായി; പ്രവാസികളെ പെരുവഴിയിലിട്ട് അടുത്ത ഇലക്ഷന് വോട്ടുപിടിക്കാന് രണ്ടരക്കോടി പൊട്ടിച്ച് പിണറായി
സംസ്ഥാന സര്ക്കാരിനെതിരേ ഗുരുതരമായ ആരോപണങ്ങളുമായി മുന്മുഖ്യമന്ത്രി ഉമ്മന് ചാണ്ടി രംഗത്ത്. കൊവിഡ് മൂലമുള്ള കടുത്ത സാമ്പത്തിക പ്രതിസന്ധിമൂലം സര്ക്കാരിന്റെ നാലാം വാര്ഷികത്തിന് ആഘോഷമില്ലെന്ന് മുഖ്യമന്ത്രി ഒരു വശത്ത് പറയുമ്പോള് മറുവശത്ത് നേട്ടങ്ങള് വിവരിക്കുന്ന രണ്ടരക്കോടി രൂപയുടെ ലഘുലേഖ മൂന്നു പ്രസുകളില് അച്ചടിക്കുന്നതായി ഉമ്മന് ചാണ്ടി ആരോപിച്ചു. സിപിഎമ്മിന്റെ ഭവനസന്ദര്ശനത്തിന് 'സുഭിക്ഷം ഭദ്രം സുരക്ഷിതം' എന്ന ലഘുലേഖയുടെ 75 ലക്ഷം കോപ്പികളാണ് സര്ക്കാര് ചെലവില് തയാറാകുന്നത്. സര്ക്കാര് ക്വാറന്റീനില് കഴിയുന്ന പ്രവാസികള് ഇനി മുതല് അതിന്റെ ചെലവ് വഹിക്കണമെന്നു പറയുന്ന സര്ക്കാരിന് ഇത്തരം ധൂര്ത്തുകള് ഒഴിവാക്കാനാവില്ലേയെന്നും ഉമ്മന്ചാണ്ടി ചോദിക്കുന്നു.
അഞ്ചുവര്ഷം കൊണ്ട് ചെയ്യേണ്ടവ നാലു വര്ഷംകൊണ്ട് ചെയ്തെന്നു മുഖ്യമന്ത്രി പറഞ്ഞപ്പോള് തന്നെ കാര്യം വ്യക്തമായി- ഇനി ഒന്നും ഈ സര്ക്കാരില് നിന്നു പ്രതീക്ഷിക്കേണ്ട. നാലുവര്ഷം കൈവരിച്ച നേട്ടങ്ങളുടെ പട്ടികയുമായി സിപിഎം സര്ക്കാര് ചെലവില് തെരഞ്ഞെടപ്പ് പ്രചാരണത്തിനു തുടക്കമിടുകയാണ്. പ്രകടനപത്രിയില് പറഞ്ഞ കാര്യങ്ങള് നടപ്പായില്ലെന്നു മാത്രമല്ല അവയ്ക്ക് കടകവിരുദ്ധമായ കാര്യങ്ങള് നടപ്പാക്കുകയും ചെയ്തുവെന്നും ഉമ്മന് ചാണ്ടി ചൂണ്ടിക്കാട്ടി.
ഈ ഒരു സംഭവം തന്നെ പ്രവാസികളുടെ കാര്യത്തിലുള്ള സര്ക്കാരിന്റെ ശ്രദ്ധക്കുറവ് വിളിച്ചോതുന്നതാണ്. ബുധനാഴ്ച കുവൈത്തില് നിന്നെത്തിയ 16 പേര് കണ്ണൂര് -കാസര്കോട് അതിര്ത്തി പ്രദേശമായ കാലിക്കടവില് മണിക്കൂറുകളോളം പെരുവഴിയിലായി. ക്വാറന്റീന് സൗകര്യം ഇല്ലാത്തതിനാല് അതിര്ത്തിയില് കുടുങ്ങിക്കിടക്കുന്നതായാണ് വിവരം.
കുവൈത്തില് നിന്നും ബുധനാഴ്ച രാത്രി ഒന്പത് മണിയോടെയാണ് ഇവര് നെടുമ്പാശേരിയില് എത്തിയത്. തുടര്ന്ന് ഇന്ന് ഉച്ചക്ക് പന്ത്രണ്ട് മണിയോടെ മൂന്ന് ബസുകളിലായി പുറപ്പെട്ട ഇവര് മൂന്ന് മണിക്കൂറിലേറെ കണ്ണൂര് -കാസര്കോട് അതിര്ത്തി പ്രദേശമായ കാലിക്കടവില് കാത്ത് കിടക്കേണ്ടി വന്നു.
https://www.facebook.com/Malayalivartha
