കൊച്ചി-ധനുഷ്കോടി ദേശീയപാതയില് ജീപ്പ് മറിഞ്ഞു; രണ്ട് ഡ്രൈവര്മാരടക്കം നാല് പേര്ക്ക് പരിക്കേറ്റു.
കൊച്ചി-ധനുഷ്കോടി ദേശീയപാതയില് ആറാം മൈലിലും മാമലകണ്ടത്തും ജീപ്പ് മറിഞ്ഞു. രണ്ട് ഡ്രൈവര്മാരടക്കം നാല് പേര്ക്ക് പരിക്കേറ്റു. മാമലകണ്ടം സ്വദേശികളായ വടക്കേലില് രാജേഷ് (43), രാജേഷിന്റെ ഭാര്യ ബിന്ദു (37) ജീപ്പ് ഡ്രൈവര് കുളപ്പുറത്തില് ബേസില് സണ്ണി (24) പഴമ്ബിള്ളിച്ചാല് പാണപാറയില് ബിനു എന്നിവര്ക്കാണ് അപകടം സംഭവിച്ചത്.
മരണാനന്തര ചടങ്ങില് പങ്കെടുക്കുവാന് ശനിയാഴ്ച മാമലകണ്ടത്തു നിന്ന് ഈരാറ്റുപേട്ടയ്ക്ക് പോയവരുടെ ജീപ്പ് ആറാം മൈലില് കാറുമായി കൂട്ടിയിടിച്ച് 50 അടിയോളം താഴ്ചയിലേക്ക് മറിയുകയായിരുന്നു. കരണം മറിഞ്ഞ ജീപ്പ് മരത്തില് തങ്ങി നിന്നതു കൊണ്ട് വലിയ അപകടത്തില് നിന്നും യാത്രക്കാര് രക്ഷപ്പെടുകയായിരുന്നു . രാജേഷിനേയും ഭാര്യ ബിന്ദുവിനേയും ബേസിലിനേയും കോതമംഗലത്തെ സ്വകാര്യ ആശുപത്രിയില്ചികിത്സ നല്കി മാമലകണ്ടത്തെ വീട്ടില് കൊണ്ടാക്കി മടങ്ങും വഴി രാത്രി രണ്ട് മണിയോടെ മാമലകണ്ടം കിഴക്ക് ഭാഗത്ത് വച്ചാണ് രണ്ടാമത്തെ അപകടം നടന്നത് . ജീപ്പ് ഡ്രൈവര് നിസാര പരിക്കോടെ രക്ഷപെടുകയായിരുന്നു. ഈ അപകടത്തിലും ജീപ്പ് മരത്തില് തങ്ങി നിന്നതായിരുന്നു രക്ഷയായത്.
https://www.facebook.com/Malayalivartha