ക്വാറന്റീൻ സൗകര്യമുള്ളവർക്ക് വീട്ടിൽ പോകാം. സ്വന്തം വാഹനങ്ങളിലോ ടാക്സികളിലോ വീട്ടിലേക്കു മടങ്ങാം വീട്ടിൽ എത്തുന്നത് പോലീസ് ഉറപ്പാക്കും. വീട്ടിലെ സൗകര്യം ഉറപ്പാക്കേണ്ടത് തദ്ദേശസ്ഥാപനങ്ങൾ വീട്ടിലെ ക്വാറന്റീൻ ലംഘിച്ചാൽ നടപടി. വീട്ടിൽ സൗകര്യം ഇല്ലാത്തവർക്ക് മാത്രം സർക്കാർ ക്വാറൻറീൻ കേന്ദ്രങ്ങൾ ഉപയോഗിക്കാം.മറ്റു സംസ്ഥാനങ്ങളിൽ നിന്ന് എത്തുന്നവർക്കും പുതിയ മാർഗരേഖ സത്യവാങ്മൂലം ജില്ലാ കൺട്രോൾ റൂം വിലയിരുത്തും സംസ്ഥാനത്ത് പ്രവേശിക്കുന്നത് കളക്ടറെ അറിയിക്കണം. തദ്ദേശസ്ഥാപനങ്ങൾ പോലീസ് എന്നിവരും അറിഞ്ഞിരിക്കണം നോഡൽ ഓഫീസറുടെയും അനുമതി വേണം.

എന്തായാലും സംസ്ഥാനത്ത് ഇന്ന് 83 പേർക്ക് കോവിഡ് ബാധ സ്ഥിരീകരിച്ചതായി മുഖ്യമന്ത്രി പിണറയി വിജയൻ വാർത്താസമ്മേളനത്തിൽ അറിയിച്ചു. 62 പേർ രോഗമുക്തി നേടിയിട്ടുണ്ട്. കണ്ണൂർ, ഇരിട്ടി സ്വദേശിയായ ഒരാൾ രോഗബാധയെ തുടർന്ന് മരണപ്പെട്ടതായി മുഖ്യമന്ത്രി അറിയിച്ചു.

തൃശൂർ- 25, പാലക്കാട് -1, മലപ്പുറം -10, കാസർഗോഡ് -10, കൊല്ലം- 8, കണ്ണൂർ- 7. പത്തനംതിട്ട- 5. എറണാകുളം-2, കോട്ടയം -2, കോഴിക്കോട് -1 എന്നിങ്ങനെയാണ് ഇന്ന് രോഗം സ്ഥിരീകരിച്ചവരുടെ കണക്കുകൾ.

ഇന്ന് രോഗം സ്ഥിരീകരിച്ചവരിൽ 27 പേർ വിദേശരാജ്യങ്ങളിൽ നിന്നും, 37 പേർ ഇതര സംസ്ഥാനങ്ങളിൽ നിന്നും എത്തിയവരാണ്. അഞ്ച് ആരോഗ്യപ്രവർത്തകർക്കുൾപ്പെടെ 14 പേർക്ക് സമ്പർക്കത്തിലൂടെയാണ് രോഗം ബാധിച്ചത്. തൃശൂർ ജില്ലയിൽ സമ്പർക്കത്തിലൂടെ രോഗം ബാധിച്ചവരിൽ 4 പേർ കോർപ്പറേഷനിലെ ശുചീകരണ തൊഴിലാളികളും നാല് പേർ വെയർഹൗസിൽ ലോഡിങ് തൊഴിലാളികളും ഉൾപ്പെടുന്നുണ്ട്.