ഉത്രയ്ക്ക് അണലിയുടെ കടിയേറ്റ കേസിൽ അസ്വാഭാവികത തോന്നിയിരുന്നതായി ചികിത്സിച്ച ഡോക്ടറും അന്വേഷണസംഘത്തിനു മൊഴി നൽകി . ക്രൈംബ്രാഞ്ച് സംഘം ഇന്നലെ തിരുവല്ലയിലെ ആശുപത്രിയിലെത്തി ഡോക്ടർമാരുടെ മൊഴിയെടുക്കുകയായിരുന്നു . വീടിനു പുറത്തുവച്ചു കടിയേറ്റെന്നാണു വീട്ടുകാർ ആശുപത്രിയിൽ പറഞ്ഞത്. സ്വാഭാവികമായി അണലി കാലിനു മുകളിലേക്കു കയറി കടിക്കില്ല.

എന്നാൽ ഉത്രയുടെ കാലിന്റെ ചിരട്ടഭാഗത്തിനു മുകളിലും മുട്ടിനു താഴെയുമാണ് ‌ആഴത്തിൽ കടിയേറ്റത്. എന്നാൽ ഈ കാര്യം സംശയം വരുത്തുകയായിരുന്നു. 4 ഡോക്ടർമാരുടെ മൊഴി ഇന്നലെ രേഖപ്പെടുത്തിയിരുന്നു . സൂരജ് അണലിയെക്കൊണ്ട് ഉത്രയെ കടിപ്പിച്ചുവെന്നതിനു നിർണായക തെളിവായി ഡോക്ടർമാരുടെ മൊഴി. അന്വേഷണസംഘം അടൂരിലെ ഫെഡറൽ ബാങ്ക് ശാഖയിൽ തെളിവെടുപ്പു നടത്തി. ലോക്കറിൽനിന്നു സൂരജ് സ്വർണ്ണം പുറത്തെടുക്കുന്ന സിസി ടിവി ദൃശ്യങ്ങളും മറ്റു രേഖകളും ശേഖരിക്കുകയും ചെയ്തു.