വിദേശത്തു നിന്ന് വന്ന യുവതി നിരീക്ഷണത്തിൽ കഴിയാതെ കാമുകനുമായി കറങ്ങി നടന്നു. അധികൃതര് തപ്പിയെത്തിയപ്പോൾ നടന്നത് വമ്പൻ ട്വിസ്റ്റ്. വിദേശത്തു നിന്ന് എത്തി കളത്തിപ്പടിയിലെ ഫ്‌ളാറ്റില്‍ സര്‍ക്കാര്‍ സംരക്ഷണയില്‍ കഴിഞ്ഞിരുന്ന യുവതിയും ഒപ്പമുണ്ടായിരുന്ന യുവാവും കേസില്‍ കുടുങ്ങി. ദമ്പതികളെന്ന വ്യാജേന ഫ്‌ളാറ്റില്‍ കഴിയവേയായിരുന്നു സംഭവം. വിദേശത്ത് നിന്ന് എത്തിയതിനാൽ ക്വാറെന്റെന്‍ ലംഘിച്ച് മുങ്ങിയതാണ് ഇരുവര്‍ക്കും വിനയായി മാറിയത്. ഇത്തരത്തിൽ വിവരമറിഞ്ഞ് യുവാവിന്റെ യഥാര്‍ഥ ഭാര്യ എത്തിയതോടെയാണു സംഭവത്തിന്റെ ''റൂട്ട് മാപ്പ്'' അധികൃതര്‍ക്കും പിടികിട്ടിയത്.

കഴിഞ്ഞ വെള്ളിയാഴ്ചയായിരുന്നു യുവതി സൗദിയില്‍നിന്ന് എത്തിയത്. പത്തനംതിട്ട മല്ലപ്പള്ളി സ്വദേശിനിയാണ് ഇടുക്കി സ്വദേശിക്കൊപ്പം കളത്തിപ്പടിയിലെ ഫ്‌ളാറ്റില്‍ പണം മുടക്കിയുള്ള സർക്കാർ ക്വാറന്റീനില്‍ പ്രവേശിച്ചത്. എന്നാല്‍, നിരീക്ഷണത്തിലായിരുന്ന ഇരുവരെയും പിറ്റേന്ന് ഉച്ചയോടെ ഫ്‌ളാറ്റില്‍നിന്നു കാണാതായി. ഇക്കാര്യം റസിഡന്റ്‌സ് അസോസിയേഷന്‍ ആരോഗ്യവകുപ്പിനെ അറിയിക്കുകയുണ്ടായി. ഇതേതുടർന്ന് ആരോഗ്യവകുപ്പ് അധികൃതര്‍ ഫോണില്‍ ബന്ധപ്പെട്ടപ്പോള്‍ കോട്ടയം നഗരത്തിലെ ആശുപത്രിയില്‍ ത്വക്‌രോഗത്തിനു ചികിത്സയ്ക്കു പോയെന്നായിരുന്നു മറുപടി നൽകിയത്. തുടർന്ന് ആരോഗ്യവകുപ്പ് അധികൃതര്‍ കോട്ടയം ഈസ്റ്റ് പോലീസുമായി ബന്ധപ്പെടുകയുണ്ടായി.

അതേസമയം ആശുപത്രിയില്‍ പോലീസ് അന്വേഷിച്ചപ്പോള്‍ അങ്ങനെ രണ്ടുപേര്‍ അവിടെ എത്തിയിട്ടില്ലെന്നറിയുകയുണ്ടായി. തുടർന്ന് ആരോഗ്യവകുപ്പ് അധികൃതര്‍ ഇവരെ വീണ്ടും ഫോണില്‍ ബന്ധപ്പെടുകയുണ്ടായി. മല്ലപ്പള്ളിയില്‍ മാതാവിനെ കാണാന്‍ പോയതാണെന്നായിരുന്നു പുതിയ മറുപടി നൽകിയത്. പിന്നീട് ഇരുവരും കളത്തിപ്പടിയിലെ ഫ്‌ളാറ്റില്‍ മടങ്ങിയെത്തിയപ്പോള്‍ നാട്ടുകാര്‍ തടഞ്ഞുവയ്ക്കുകയുണ്ടായി. ഇതെത്തുടർന്ന് ക്വാറെന്റെന്‍ ലംഘിച്ചതിനു പോലീസ് കേസെടുക്കുകയുണ്ടായി.

ഇവരെ ഫ്‌ളാറ്റില്‍ തിരികെ പ്രവേശിപ്പിക്കാന്‍ മറ്റു താമസക്കാര്‍ തയാറായില്ല. ഇരുവരെയും പേരൂരിലെ ക്വാറെന്റെന്‍ കേന്ദ്രത്തിലേക്കു മാറ്റുകയും ചെയ്തു. ഇതേതുടർന്ന് ഇവർക്കെതിരെ കേസെടുത്ത വാര്‍ത്ത പത്രങ്ങളില്‍ വന്നതോടെയാണ് ഇടുക്കി സ്വദേശിയായ യുവാവിന്റെ ഭാര്യ കോട്ടയം ഈസ്റ്റ് പോലീസ് സ്‌റ്റേഷനിലെത്തിയത്. ഭാര്യയോട് ഒരുമാസത്തേക്കു മുംെബെക്കു പോകുകയാണെന്നു പറഞ്ഞാണ് യുവാവ് വീടുവിട്ടത്. എന്നാല്‍, സൗദിയില്‍നിന്നു വന്ന യുവതിയേയും കൂട്ടി കളത്തിപ്പടിയിലെ ഫ്‌ളാറ്റിലേക്കായിരുന്നു യാത്ര എന്നത് ഭാര്യയെപ്പോലും ഞെട്ടിച്ചു.