ലോക്ഡൗണ്‍ ഇളവില്‍ സന്ദര്‍ശകര്‍ കൂടിയതോടെ പഞ്ചായത്ത്, മുനിസിപ്പല്‍, കോര്‍പ്പറേഷന്‍ ഓഫീസുകളില്‍ എത്തുന്നവര്‍ക്ക് പെരുമാറ്റച്ചട്ടം.... ഓഫീസ് പരിസരത്ത് കൂട്ടംകൂടി നില്‍ക്കാനോ തുപ്പാനോ പാടില്ല, പത്തുവയസ്സില്‍ താഴെയുള്ളവരും അറുപത് കഴിഞ്ഞവരും ഓഫീസുകളിലെത്തരുത്
ലോക്ഡൗണ്‍ ഇളവില്‍ സന്ദര്‍ശകര്‍ കൂടിയതോടെ പഞ്ചായത്ത്, മുനിസിപ്പല്‍, കോര്‍പ്പറേഷന്‍ ഓഫീസുകളില്‍ എത്തുന്നവര്‍ക്ക് പെരുമാറ്റച്ചട്ടം. ഓഫീസ് പരിസരത്ത് കൂട്ടംകൂടി നില്‍ക്കാനോ തുപ്പാനോ പാടില്ല. മറയില്ലാതെ ചുമയ്ക്കുകയോ തുമ്മുകയോ ചെയ്യരുത്. ഓഫീസിലെത്താതെ സേവനങ്ങള്‍ക്ക് ഓണ്‍ലൈന്‍ സംവിധാനം ഉപയോഗിക്കണമെന്നും അന്വേഷണങ്ങള്‍ ഫോണിലൂടെ മതിയെന്നും തദ്ദേശവകുപ്പ് ഉത്തരവിട്ടു. ഓഫീസിലെത്തുന്നവര്‍ പേര്, വിലാസം, സന്ദര്‍ശനസമയം, ഫോണ്‍ നമ്പര്‍, കാണുന്ന ഉദ്യോഗസ്ഥന്റെ പേര് എന്നിവ നല്‍കണം. ഇത് രജിസ്റ്ററില്‍ സൂക്ഷിക്കും.
ഒരുസമയം അഞ്ചുപേര്‍ക്കുമാത്രമാണ് പ്രവേശനം. പത്തുവയസ്സില്‍ താഴെയുള്ളവരും അറുപത് കഴിഞ്ഞവരും ഓഫീസുകളിലെത്തരുത്. ത്യാവശ്യ കാര്യങ്ങള്‍ക്ക് എത്തുന്നവര്‍ക്ക് വിസിറ്റേഴ്സ് ഹെല്‍പ് ഡെസ്‌ക് ഉണ്ടാകും. കാണേണ്ട സമയം ഫോണില്‍ മുന്‍കൂട്ടി നിശ്ചയിക്കാം. മാസ്‌കും ബ്രേക് ദി ചെയിനും നിര്‍ബന്ധം. സാനിറ്റൈസറും സോപ്പ് ഉപയോഗിച്ച് കൈകഴുകുന്നതിനുള്ള സൗകര്യവും ഒരുക്കിയിരിക്കണം.
a
https://www.facebook.com/Malayalivartha
