ഒരു പഞ്ചായത്ത് ഒരു വിമാനം. കേൾക്കുമ്പോൾ തന്നെ അത് നൽകുന്ന ആശ്വാസം ചെറുതൊന്നുമല്ല. പ്രത്യേകിച്ച് പ്രവാസലോകത്ത് നിന്ന് യാതനയുടെ കയ്പുനീർകുടിക്കുന്ന പ്രവാസികൾക്ക്. നമുക്ക് നാം തന്നെ തുണ എന്ന കണക്കാണ് പല പ്രവാസികളും ഒപ്പം പ്രവാസി സംഘടനകളും പ്രവാസികൾക്കായി രംഗത്ത് എത്തിയിരിക്കുന്നത്. അത്തരത്തിൽ മാതൃകയാകുകയാണ് മലപ്പുറം. മലപ്പുറത്ത് ഒരു പഞ്ചായത്തിലുള്ള പ്രവാസികള്‍ക്കായി ഒരു വിമാനം ഏർപ്പെടുത്തിയിരിക്കുകയാണ്. ഇതേതുടർന്ന് യു.എ.ഇയിലുള്ള പ്രവാസികള്‍ക്കായി ചാര്‍ട്ട് ചെയ്ത വിമാനം ഇന്ന് വൈകിട്ട് ഏഴിന് കരിപ്പൂരിലെത്തുകയും ചെയ്യും.

എന്നാൽ ഇതാദ്യമായാണ് ഒരു പഞ്ചായത്തിനു മാത്രമായി വിമാനം പ്രത്യേകം ചാര്‍ട്ട് ചെയ്യുന്നത്. മലപ്പുറത്തെ 'ഒരുമ കല്പകഞ്ചേരി' എന്ന കൂട്ടായ്മയാണ് ഈ സൗകര്യമൊരുക്കുന്നത്. ഏതുമാത്രമല്ല കൊറോണ പ്രതിസന്ധിസമയത്ത് പ്രവാസികളുടെ നാട്ടിലുള്ള കുടുംബങ്ങളില്‍ കല്പകഞ്ചേരി തണലുമായി ചേര്‍ന്ന് നിരവധിപേർക്ക് ഭക്ഷണക്കിറ്റുകള്‍ എത്തിക്കുകയും ചെയ്തിരുന്നു.

ഇതേതുടർന്ന് ഇന്നെത്തുന്ന സ്‌പൈസ് ജെറ്റ് വിമാനത്തില്‍ 185 യാത്രക്കാരുണ്ട്. അതില്‍ നൂറുപേരും കല്‍പകഞ്ചേരിക്കാരാണ് എന്നാണ് ലഭ്യമാകുന്ന വിവരം. ഈ വിമാനം റാസല്‍ഖൈമയില്‍നിന്നാണ് പുറപ്പെടുക. എന്നാൽ തന്നെയും ബാക്കിയുള്ളവര്‍ തൊട്ടടുത്ത പഞ്ചായത്തുകളിലുള്ളവരും. സാമ്പത്തികസ്ഥിതി മെച്ചപ്പെട്ടവരില്‍നിന്ന് മാത്രമേ പണമീടാക്കുന്നുള്ളൂ എന്നൊരു പ്രത്യേകതയും ഇതിനുണ്ട് എന്നത് ഏറെ ശ്രദ്ധേയം. 1100 ദിര്‍ഹം അതായത് 22000 ഓളം രൂപയാണ് വിമാനക്കമ്പനികളുടെ നിലവിലുള്ള ഒരാള്‍ക്കുള്ള ചാര്‍ജ് എന്നത്. അതോടൊപ്പം തന്നെ ചാര്‍ട്ട് ചെയ്യാനായി 40,25890 രൂപ ചെലവായി.