സിനിമയിലും ജീവിതത്തിലും ആത്​മസുഹൃത്തായിരുന്ന​ സച്ചിയുടെ വിയോഗത്തിൽ വികാരാതീതനായി ​ നടൻ പൃഥ്വിരാജ്. 23 കൊല്ലം മു​​​െമ്പാരു ജൂണിലാണ്​ (1997 ജൂൺ 16നാണ്​ പൃഥ്വിയുടെ പിതാവും നടനുമായ സുകുമാരൻ മരിച്ചത്​) ഇതിന്​ മുമ്പ്​ വിരഹ ദുഃഖം തന്നെ ഇത്രയളവിൽ തകർത്തതെന്ന് ട്വിറ്ററിലും ഫേസ്​ബുക്കിലും പങ്കുവെച്ച ഹൃദയസ്​പർശിയായ കുറിപ്പിൽ പൃഥ്വിരാജ്​ പറയുന്നു.

തിരക്കഥാകൃത്തും സംവിധായകനുമായ സച്ചി ആദ്യം സംവിധാനം ചെയ്​ത ‘അനാർക്കലി’യിലും അവസാനം സംവിധാനം ചെയ്​ത ‘അയ്യപ്പനും കോശി’യിലും പൃഥ്വിയായിരുന്നു നായകൻ. ‘ഡ്രൈവിങ്​ ലൈസൻസ്​’ അടക്കം സച്ചി തിരക്കഥയെഴുതിയ നിരവധി ഹിറ്റ്​ സിനിമകളിലും പൃഥ്വി നായകനായിട്ടുണ്ട്​.

വികാരാതീതമായ കുറിപ്പി​​െൻറ പൂർണ രൂപം ഇങ്ങനെ;

സച്ചീ...

എനിക്ക് ഒരുപാട് സന്ദേശങ്ങൾ വരുന്നുണ്ട്​. ഞാൻ അറ്റൻഡ്​ ചെയ്​ത അപൂർവം കോളുകളും. ഞാൻ എങ്ങിനെ പിടിച്ചുനിൽക്കുന്നു എന്നാണ്​ അവർക്കറിയേണ്ടത്​​. ചിലവ എന്നെ ആശ്വസിപ്പിക്കാനും. എന്നെ അറിയുന്നവർക്കും നിങ്ങളെ അറിയുന്നവർക്കും നമ്മളെ നന്നായിട്ടറിയാമെന്ന്​ ഞാൻ കരുതുന്നു.

എന്നാൽ അവരിൽ ചിലർ പറഞ്ഞ ഒരു കാര്യം ഞാൻ തീർത്തും നിഷേധിക്ക​ുകയാണ്​- നിങ്ങൾ കരിയറി​​െൻറ അത്യുന്നതിയിൽ എത്തിയിട്ടാണ്​ കടന്നുപോയതെന്ന കാര്യം. നിങ്ങളുടെ ആശയങ്ങളും സ്വപ്​നങ്ങളും വ്യക്​തമായി മനസ്സിലാക്കിയ ആളെന്ന നിലയിൽ എനിക്കറിയാം, ‘അയ്യപ്പനും കോശിയും’ നിങ്ങളുടെ ഉന്നത സൃഷ്​ടിയല്ല. നിങ്ങളുടെ ജീവിതാഭിലാഷത്തിലേക്കുള്ള തുടക്കം മാത്രമായിരുന്നു അത്​. നിങ്ങളുടെ മുഴുവൻ സിനിമയും ഈ ഘട്ടത്തിലെത്താനുള്ള യാത്രയായിരുന്നു. അവിടെ നിന്ന്​ നിങ്ങൾ ഉന്നതിയിലേക്ക്​ കുതിക്കുമായിരുന്നു, എനിക്കറിയാം.

പറയാത്ത ഒരുപാട്​ കഥകൾ. നിറവേറാത്ത നിരവധി സ്വപ്​നങ്ങൾ. രാത്രിയേറെ വൈകിയ വേളകളിൽ വാട്​സ്​ആപ്പിൽ ശബ്​ദ സന്ദേശങ്ങളായി അയച്ച അനേകം ആഖ്യാനങ്ങൾ. ഫോൺവിളികൾ. വരുംവർഷങ്ങളിലേക്ക്​ നമ്മൾ ആസൂത്രണം ചെയ്​തിരുന്ന വലിയ പദ്ധതികൾ. നിങ്ങളും ഞാനും-എന്നിട്ട്​ നിങ്ങളിപ്പോൾ എന്നെ വിട്ട്​ പോയിരിക്കുന്നു.

സിനിമയെക്കുറിച്ചുള്ള നിങ്ങളുടെ കാഴ്ചപ്പാടിനെക്കുറിച്ചും വരും വർഷങ്ങളിൽ സിനിമകൾ എങ്ങനെയായിരിക്കുമെന്ന് മുൻകൂട്ടി കണ്ടതിനെക്കുറിച്ചും മറ്റാരെങ്കിലുമായി പങ്കുവച്ചിട്ടുണ്ടോ എന്ന് എനിക്കറിയില്ല. എന്നാൽ, അതെല്ലാമുള്ള നിങ്ങൾ എന്നിൽ ഉണ്ട്. എനിക്കറിയാം, നിങ്ങൾ ഒപ്പമുണ്ടായിരുന്നെങ്കിൽ അടുത്ത 25 വർഷത്തെ മലയാള സിനിമയും എ​​െൻറ ശേഷിക്കുന്ന കരിയറും എത്രമാത്രം വ്യത്യസ്തമാകുമായിരുന്നുവെന്ന്​.

സിനിമയെ മറന്നേക്കൂ, നിങ്ങൾ എനിക്കൊപ്പം ഉണ്ടാകാൻ ആ സ്വപ്​നങ്ങളെല്ലാം ത്യജിക്കേണ്ടിയിരുന്നെങ്കിൽ ഞാൻ അതിനും തയാറായിരുന്നു-ആ ശബ്​ദസന്ദേശം ഒരിക്കൽകൂടി ലഭിക്കാൻ, ആ ​േഫാൺകോൾ ഒരിക്കൽ കൂടി എന്നെത്തേടി വരാൻ.

നമ്മൾ ഒരുപോലെയാണെന്ന് നിങ്ങൾ എല്ലായ്പ്പോഴും പറയുമായിരുന്നു. അത്​ സമ്മതിക്കുന്നു. പക്ഷേ, ഇപ്പോൾ എനിക്ക്​ തോന്നുന്നു, എന്നേക്കാൾ വ്യത്യസ്​തമായിട്ടായിരിക്കും നിങ്ങൾക്ക് ഇതനുഭവപ്പെടുകയെന്ന്​. കാരണം, 23 വർഷം മു​െമ്പാരു ജൂണിലാണ്​ വിരഹദുഃഖം ഇതിന്​ മുമ്പ്​ എ​ന്നെ ഇത്രയധികം തകർത്തത്​.

നിങ്ങളെ അറിയാൻ കഴിഞ്ഞത്​ വലിയ അംഗീകാരമായി ​തോന്നുന്നു, സച്ചി. എ​​െൻറ ഒരു ഭാഗമാണ്​ ഇന്ന്​ നിങ്ങൾക്കൊപ്പം പോയത്​. ഇപ്പോൾ മുതൽ നിങ്ങളെ ഓർക്കുക എന്നത്​, എ​​​െൻറ ആ ഭാഗത്തെ ഒാർക്ക​ുന്നതുപോലെയാണ്​. നിത്യതയിൽ വിശ്രമിക്കുക സഹോദരാ... വിശ്രമിക്കൂ പ്രതിഭേ...മറ്റൊരു വശത്ത്​ നമുക്ക്​ കണ്ടുമുട്ടാം. ആ സാൻഡൽവുഡ്​ കഥയുടെ ക്ലൈമാക്​സ്​ നിങ്ങളെനിക്ക്​ പറഞ്ഞുതന്നതേയില്ലല്ലോ...