കണ്ണൂരിൽ കോവിഡ്​ ബാധിച്ച്​ മരിച്ച എക്​സൈസ്​ ഉദ്യോഗസ്ഥന്​​ ചികിൽസ ലഭിച്ചില്ലെന്ന ആരോപണവുമായി കുടുംബം രംഗത്ത്. ചികിൽസ ലഭിക്കുന്നില്ലെന്ന്​ സുനിൽ ബന്ധുക്കളോട്​ പറയുന്ന ഫോൺ സംഭാഷണവും പുറത്ത്​. കഴിഞ്ഞ ഞായറാഴ്​ചയാണ്​ സുനിലിനെ കടുത്ത പനി ബാധിച്ച്​ ആശുപത്രിയിൽ പ്രവേശിപ്പിച്ചത്​. തിങ്കളാഴ്​ച ഐ.സി.യുവിൽ നിന്ന്​ സുനിൽ ബന്ധുവിനയച്ച ഓഡിയോ സന്ദേശമാണ്​ ഇപ്പോൾ പുറത്ത്​ വന്നിരിക്കുന്നത്​. കടുത്ത ന്യുമോണിയ ബാധിച്ച സുനിലിന്​ അതിനുള്ള കൃത്യമായ ചികിൽസ നൽകിയില്ലെന്നാണ് ഉയരുന്ന പ്രധാന ആരോപണം.

മരിച്ച എക്​സൈസ്​ ഡ്രൈവറുടെ ചികിൽസയെ കുറിച്ച്​ അന്വേഷണം നടക്കുന്നതിനിടെയാണ്​ പുതിയ ആരോപണവും ഉയരുന്നത്​. എന്നാൽ കുടുംബത്തിൻെറ ആരോപണങ്ങൾ പരിയാരം മെഡിക്കൽ കോളജ്​ നിഷേധിച്ചു. ആശുപത്രിയിൽ പ്രവേശിക്കു​േമ്പാൾ തന്നെ സുനിലിന്​ കടുത്ത ന്യുമോണിയയുണ്ടായിരുന്നു. ശ്വാസകോശങ്ങളുടെ പ്രവർത്ത​നത്തെ ഇത്​ സാരമായി തകരാറിലാക്കിയതായും ആശുപത്രി അധികൃതർ വിശദീകരിച്ചു.​