കാമുകിയുടെ മകളെ ബലാത്സംഗം ചെയ്ത് ഗര്‍ഭിണിയാക്കി. ഗര്‍ഭിണിയായ പെണ്‍കുട്ടി ആറാം മാസം വീട്ടിനുള്ളില്‍ പ്രസവിച്ചതോടെയാണ് സംഭവം പുറത്തറിഞ്ഞത് തന്നെ. ഈ കേസിലെ പ്രതി അറസ്റ്റിലായി. തൊളിക്കോട് സ്വദേശി ഷറഫുദ്ദീനെയാണ് തിരുവനന്തപുരം വിതുര പോലീസ് അതിവിദഗ്ധമായി പിടികൂടിയത്. പ്രസവിച്ചതറിഞ്ഞ് നാട്ടുകാരാണ് കുട്ടിയെ ഹോസ്പിറ്റലില്‍ എത്തിച്ചത്. എന്നാൽ ഇയാള്‍ക്ക് 12 വയസ്സുള്ള ഒരു മകളുണ്ട്.

അതേസമയം അയല്‍വാസിയായ യുവതിയുമായി ഇയാള്‍ ഏറെ നാൾ അടുപ്പത്തിലായിരുന്നു. ഈ സ്ത്രീയുടെ മകളെയാണ് ഇയാള്‍ ക്രൂരമായ പീഡനത്തിനിരയാക്കിയത്. വീട്ടിലിലാരും ഇല്ലാതിരുന്ന സമയം പ്രതി കാമുകിയുടെ മകളെ ലൈംഗിക അതിക്രമത്തിന് ഇരയാക്കുകയായിരുന്നു എന്നാണ് ലഭ്യമാകുന്ന വിവരം.

എന്നാൽ ഇയാളുടെ ഭീഷണിയെത്തുടര്‍ന്ന് കുട്ടി വിവരം മറ്റുള്ളവരില്‍ നിന്ന് മറച്ചു വെക്കുകയായിരുന്നു. ഇതേതുടർന്ന് ഹോസ്പിറ്റൽ അധികൃതരാണ് പോലീസിനെ വിവരമറിയിച്ചത്. തുടര്‍ന്ന് ഒളിവില്‍ പോയ പ്രതിയെ മെഡിക്കല്‍ കോളജ് ഭാഗത്തെ ഒരു ലോഡ്ജില്‍ നിന്ന് പോലീസ് അറസ്റ്റ് ചെയ്യുകയായിരുന്നു. പിടികൂടിയ പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്യുകയുണ്ടായി.