മലപ്പുറം മങ്കട സ്വദേശിയായ കണ്ടക്ടര്‍ കോവിഡ്! അങ്കമാലി കെഎസ്‌ആര്‍ടിസി ഡിപ്പോ അടച്ചു.. അണുവിമുക്തമാക്കല്‍ നടപടികള്‍ പൂര്‍ത്തിയാക്കിയശേഷം എന്നു ഡിപ്പോ തുറക്കണം എന്നകാര്യത്തില്‍ കെഎസ്‌ആര്‍ടിസി സോണല്‍ ഓഫിസര്‍ തീരുമാനിക്കും...
അങ്കമാലി കെഎസ്‌ആര്‍ടിസി ഡിപ്പോയില്‍ കണ്ടക്ടര്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് ഡിപ്പോ അടച്ചു. ഓര്‍ഡിനറി ബസില്‍ കഴിഞ്ഞ ദിവസം വരെ ജോലി ചെയ്ത കണ്ടക്ടര്‍ക്കാണ് രോഗം സ്ഥിരീകരിച്ചത്.
മലപ്പുറം മങ്കട സ്വദേശിയായ കണ്ടക്ടര്‍ കോവിഡ് സ്ഥിരീകരിച്ചത്. കണ്ടക്ടര്‍ക്ക് ഡിപ്പോയിലുണ്ടായിരുന്ന മറ്റു ജീവനക്കാരുമായി സമ്ബര്‍ക്കം ഉണ്ടായതിനാലാണ് ഡിപ്പോ അടച്ചിടാന്‍ തീരുമാനിച്ചത്.
കഴിഞ്ഞ 26 വരെ ഇയാള്‍ ഇവിടെ ജോലി ചെയ്തിരുന്നു. അതിനുശേഷം നാട്ടിലേക്കു മടങ്ങി. തുടര്‍ന്നാണ് രോഗലക്ഷണങ്ങള്‍ പ്രകടമാക്കിയത്. തുടര്‍ന്ന് സ്രവപരിശോധനയ്ക്ക് വിധേയനാക്കുകയും ഫലം വന്നപ്പോള്‍ രോഗം സ്ഥിരീകരിക്കുകയുമായിരുന്നു.
എംസി റോഡിലെയും ദേശീയപാതയിലെയും കെഎസ്‌ആര്‍ടിസി ബസുകള്‍ എത്തുന്ന സ്ഥലമാണ് അങ്കമാലി കെഎസ്‌ആര്‍ടിസി ഡിപ്പോ. അണുവിമുക്തമാക്കല്‍ നടപടികള്‍ പൂര്‍ത്തിയാക്കിയശേഷം എന്നു ഡിപ്പോ തുറക്കണം എന്നകാര്യത്തില്‍ കെഎസ്‌ആര്‍ടിസി സോണല്‍ ഓഫിസര്‍ തീരുമാനം എടുക്കും.
https://www.facebook.com/Malayalivartha
