യുഎഇ താമസ വിസക്കാർക്ക് സുവർണാവസരമാണ് എത്തിയിരിക്കിക്കുന്നത്. ഈ വിസക്കാർക്ക് ഇനി 15 രാജ്യങ്ങളിൽ ഓൺ അറൈവൽ വിസ സൗകര്യം ഉണ്ടാകും. പെരുന്നാൾ അവധി വരാൻ ഇരിക്കുകയാണ്. പലരും ഇപ്പോൾ തന്നെ പ്ലാൻ നടത്തി വരുമ്പോൾ ആണ് പുതിയ പ്രഖ്യാപനവുമായി അധികൃതർ എത്തിയത്. കഴിഞ്ഞ ദിവസം ട്രാവൽ എജൻസികൾ ഓഫർ പ്രഖ്യാപിച്ച് രംഗത്തെത്തിയിരുന്നു.

കാലാവധിയുള്ള വിസ, പാസ്പോർട്ട് എന്നിവയുള്ളവർക്ക് ഈ രാജ്യങ്ങളിലേക്ക് നേരിട്ട് പോകാം. ഇവിടെ വിമാനത്താവളത്തിൽ എത്തി വിസ എടുത്താൽ മതിയാകും. ഓൺ അറൈവൽ വിസ ലഭിക്കുന്ന രാജ്യങ്ങൾ ഇവയാണ്...ഇന്തൊനീഷ്യ, മൊറീഷ്യസ്, മോണ്ടിനെഗ്രോ, നേപ്പാൾ, ശ്രീലങ്ക, തായ്‌ലൻഡ്, അസർബൈജാൻ, ബ്രൂണയ്, അർമീനിയ, മലേഷ്യ, സിംഗപ്പൂർ, സെയ്ഷൽസ്, ജോർജിയ, കിർഗിസ്ഥാൻ, മാലദ്വീപ് എന്നിവയാണ്.

അവധി ദിവസങ്ങൾ കിട്ടുമ്പോൾ പോയി വരാവുന്ന രാജ്യങ്ങൾ തന്നെയാണ് ഇവയെല്ലാം. ആഴ്ചയിലെ രണ്ട് ദിവസത്തെ അവധിയും കൂടെ ഒരു ദിവസം അവധിയും എടുത്താൽ ഒരാഴ്ച വേണമെങ്കിൽ ഒരോ വിദേശ രാജ്യങ്ങൾ കറങ്ങി വരാൻ സാധിക്കും. അവധിക്കാലം ആഘോഷമാക്കാൻ ഈ യാത്ര തന്നെ മതിയാകും.

അതുപോലെ തന്നെ ഏതാനും ദിവസങ്ങൾക്ക് മുമ്പ് യുഎഇ താമസ വീസയുള്ളവർക്ക് ഷെൻഗെൻ വീസ ഓൺലൈനായി അപേക്ഷിക്കാനുള്ള
അവസരം വന്നുചേർന്നിരുന്നു. പാസ്പോർട്ട് നൽകി നീണ്ട വരിയിൽ കാത്തു നിൽക്കാതെ വീസ ലഭ്യമാക്കാനുള്ള നടപടി സ്വീകരിച്ചതായി അധികൃതർ അറിയിച്ചു. വീസ സ്റ്റിക്കറിന്റെ മോഷണം അടക്കമുള്ള തെറ്റായ പ്രവണതകൾ ഡിജിറ്റൽ വൽക്കരണത്തോടെ ഇല്ലാതാകുമെന്നു സ്വീഡിഷ് കുടിയേറ്റ കാര്യ മന്ത്രി മരിയ മാൽമർ സ്റ്റെനർഗാർഡ് പറഞ്ഞു.

ഇതോടെ യുഎഇ താമസ വീസക്കാർക്ക് യൂറോപ്യൻ രാജ്യങ്ങളിലേക്കുള്ള യാത്ര എളുപ്പമാകും. യൂറോപ്യൻ യൂണിയനിലെ 27 രാജ്യങ്ങളിലേക്കുള്ള വിനോദ സഞ്ചാരവും എളുപ്പമാകും. അപേക്ഷകർ ആവശ്യമായ രേഖകൾ അപ്‌ലോഡ് ചെയ്തു ഫീസ് അടയ്ക്കുന്നതോടെ വീസ നടപടികൾ ആരംഭിക്കും. ആദ്യമായി അപേക്ഷിക്കുന്നവർ മാത്രം കോൺസുലേറ്റിൽ നേരിട്ട് ഹാജരായാൽ മതിയാകും. പുതിയ വീസ ഡിജിറ്റലായാണ് ലഭിക്കുക.

യൂറോപ്പിലൂടെ ഒരു യാത്ര ആഗ്രഹിക്കുന്നവരുണ്ടെങ്കിൽ അവർക്ക് പ്രയോജനപ്പെടുത്താവുന്ന ഒരു വിസയാണ് ഷെൻഗെൻ വിസ. ഏതൊക്കെയാണ് ഷെൻഗെൻ രാജ്യങ്ങൾ ഓസ്ട്രിയ, ബെൽജിയം, ചെക് റിപ്പബ്ലിക്ക്, ഡെൻമാർക്ക്‌, എസ്സ്റ്റോണിയ, ഫിൻലൻഡ്‌, ഫ്രാൻസ്, ജർമ്മനി, ഗ്രീസ്, ഹംഗറി, ഐസ് ലാൻഡ്, ഇറ്റലി, ലാത്‌വിയ, ലക്സംബര്ഗ്, മാൾട്ട, നെതർലൻഡ്‌സ്‌, നോർവേ, പോളണ്ട്, പോർച്ചുഗൽ, സ്ലോവാക്കിയ, സ്ലോവേനിയ, സ്പെയിൻ, സ്വീഡൻ, സ്വിറ്റ്സർലാന്റ്. നോർവെയും, ഐസ് ലാൻഡും യൂറോപ്യൻ യൂണിയനിൽ അംഗങ്ങളല്ലെങ്കിലും ഷെൻഗെൻ വിസ അനുവദിച്ചിട്ടുണ്ട്. എന്നാൽ ബ്രിട്ടൻ, അയർലൻഡ് എന്നീ രാജ്യങ്ങളിൽ ഈ വിസ അനുവദനീയമല്ല.