ബിഗ് സല്യൂട്ട് പോരാളികളെ, ഇന്ത്യന്‍ മാതൃകയ്ക്ക് ലോകത്തിന്റെ കൂപ്പുകൈ; കൊറോണ പ്രതിരോധത്തില്‍ പ്രധാന പങ്കുവഹിക്കുന്ന ഡോക്ടര്‍മാരുടെ ശമ്പളം പിടിക്കുന്ന സര്‍ക്കാര്‍ നിലപാടിനെതിരെ പ്രതിഷേധം; ഞെട്ടിത്തരിച്ച് പിണറായി
ഡോക്ടേഴ്‌സ് ദിനം സഹന ദിനമായി ആചരിച്ച് കെ.ജി.എം.ഒ.എ. കൊറോണ പ്രതിരോധത്തില്‍ പ്രധാന പങ്കുവഹിക്കുന്ന ഡോക്ടര്‍മാരുടെ ശമ്പളം പിടിക്കുന്ന സര്‍ക്കാര്‍ നിലപാടിനെതിരെയാണ് പ്രതിഷേധം. ഒരു മണിക്കൂര്‍ അധികമായി ജോലി ചെയ്താകും ഡോക്ടര്‍മാര്‍ പ്രതിഷേധിക്കുക. സഹന ദിന ബാഡ്ജ് ധരിച്ചാകും ഡോക്ടര്‍മാര്‍ ജോലിക്ക് ഹാജരാകുകയെന്നും കെജിഎംഒഎ അറിയിച്ചു. ഈ വര്‍ഷം നാം കൊറോണ എന്ന മഹാമാരിയോടു പൊരുതി കൊണ്ടിരിക്കുകയാണ്. കേരളത്തില്‍ സര്‍ക്കാര്‍ ഡോക്ടര്‍മാരാണ് ഈ പ്രതിരോധ പ്രവര്‍ത്തനങ്ങളുടെ മുന്നണിപ്പോരാളികളായി നിലകൊള്ളുന്നത്.
ഈ അവസരത്തില്‍, തങ്ങളുടെയും തങ്ങളുടെ കുടുംബങ്ങളുടെയും ജീവനും ആരോഗ്യവും തൃണവല്‍ഗണിച്ചു കൊണ് പ്രതിരോധ പ്രവര്‍ത്തനങ്ങളില്‍ വ്യാപൃതരായിരിക്കുന്ന സര്‍ക്കാര്‍ ഡോക്ടര്‍മാരുടെ പ്രശ്‌നങ്ങള്‍ അവഗണിക്കാന്‍ പാടില്ല. കഴിഞ്ഞ കുറെ മാസങ്ങളായി രാജ്യം പൂര്‍ണ്ണമോ, ഭാഗികമോ ആയ ലോക്ക് ഡൗണില്‍ ആയിരുന്നപ്പോള്‍ ചില അവശ്യ സര്‍വ്വീസിലെ ജീവനക്കാര്‍ ഒഴികെ എല്ലാവരും തങ്ങളുടെ വീടുകളുടെ സുരക്ഷിതത്ത്വത്തില്‍ കഴിയുകയായിരുന്നു. ഈ സമയത്തെല്ലാം ഡോക്ടര്‍മാര്‍ അടങ്ങുന്ന ആരോഗ്യ ജീവനക്കാര്‍ കൂടുതല്‍ ഉത്തരവാദിത്തങ്ങളും വെല്ലുവിളികളും നേരിട്ടു വരികയാണ്. തങ്ങളുടെ സുഖവും സ്വാതന്ത്രവും വ്യക്തിപരമായ ഉത്തരവാദിത്തങ്ങളും ത്യജിച്ച് അവര്‍ ആത്മാര്‍ത്ഥതയോട്ടം അര്‍പണ മനോഭാവത്തോടും പ്രവര്‍ത്തിക്കുന്നതിന്റെ ഫലമായാണ് നമുക്ക് ഈ മഹാമാരിയെ ഒരു പരിധി വരയെങ്കിലും നിയന്ത്രിച്ച് നിര്‍ത്താന്‍ സാധിക്കുന്നത്.
ആരോഗ്യപ്രവര്‍ത്തകര്‍ക്ക് ഈ കൊറോണക്കാലത്തും നിരവധി ബാധ്യതകളുണ്ടായിട്ടുണ്ട്. ഈ അവസരത്തിലാണ് കൂനില്‍മേല്‍ കുരുപോലെ ശമ്പളം തടഞ്ഞ് വെയ്ക്കല്‍. ഭാരതത്തിലെ പല സംസ്ഥാന സര്‍ക്കാരുകളും മറ്റ് പല ലോകരാജ്യങ്ങളും ഡോക്ടര്‍മാര്‍ക്കും,ആരോഗ്യ ജീവനക്കാര്‍ക്കും പ്രത്യേക സാമ്പത്തിക ആനുകുല്യങ്ങള്‍ നല്‍കി പ്രോത്സാഹിപ്പിക്കുമ്പോഴാണ് കേരള സര്‍ക്കാര്‍ ഇത്തരം ഒരു തീരുമാനം കൈകൊണ്ടത്. ഡോക്ടര്‍മാരുടെ ശമ്പളം തടഞ്ഞ് വെയ്ക്കരുതെന്ന് സുപ്രിംകോടതി വിധിയും, തുടര്‍ന്ന് കേന്ദ്ര സര്‍ക്കാര്‍ ഉത്തരവും വന്നിട്ടും സംസ്ഥാന സര്‍ക്കാര്‍ തീരുമാനം മാറ്റാന്‍ തയ്യാറാവാത്തത് നിര്‍ഭാഗ്യകരമാണെന്നും കെജിഎംഒഎ ഭാരവാഹികള്‍ പ്രതികരിച്ചു.
https://www.facebook.com/Malayalivartha
