ലോറിയ്ക്ക് പിന്നിൽ ബൈക്ക് ഇടിച്ച് യുവാവ് മരിച്ചു : മരിച്ചത് പൊൻകുന്നം സ്വദേശിയായ യുവാവ്
ആലപ്പുഴ എ.സി റോഡരികിൽ നിർത്തിയിട്ടിരുന്ന ലോറിയ്ക്ക് പിന്നിൽ ബൈക്കിടിച്ച് യുവാവ് മരിച്ചു. ഒപ്പമുണ്ടായിരുന്ന രണ്ടു പേർക്ക് ഗുരുതരമായി പരിക്കേറ്റു. ജോലി സ്ഥലത്തേയ്ക്ക് പോകുന്നതിനിടെ ഉണ്ടായ അപകടത്തിൽ പൊൻകുന്നം സ്വദേശി അഭിജിത്ത് (20) ആണ് മരിച്ചത്. അപകടത്തിൽ ചേർത്തല വെട്ടക്കൽ സ്വദേശി റെജിൻ (19) പൊൻകുന്നം ഇലവനാട് സ്വദേശി സംഗീത് (19)എന്നിവരെ പരിക്കുകളോടെ വണ്ടാനം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
എ സി റോഡിൽ നസ്രത്ത് ജംഗ്ഷനിൽ ഇന്ന് രാവിലെ ഒൻപത് മണിയോടെയാണ് അപകടം ഉണ്ടായത്. മങ്കൊമ്പിലെ ജോലി സ്ഥലത്തേക്കു യാത്രയിലായിരുന്നു യുവാക്കൾ. ഇതിനിടെയാണ് അപകടമുണ്ടായത്. ചങ്ങനാശേരി ഭാഗത്തു നിന്നും ആലപ്പുഴയിലേയ്ക്കായിരുന്നു യാത്ര. റോഡരികിൽ നിർത്തിയിട്ടിരുന്ന ലോറിയുടെ അടിയിലേയ്ക്ക് ഇവരുടെ വാഹനം ഇടിച്ച് കയറുകയായിരുന്നു. ഗുരുതരമായി പരിക്കേറ്റ മൂന്നു പേരെയും നാട്ടുകാരും ഓട്ടോ ഡ്രൈവർമാരും ചേർന്ന് ആശുപത്രിയിൽ എത്തിച്ചു.
എന്നാൽ , അഭിജിത്തിൻ്റെ ജീവൻ രക്ഷിക്കാൻ സാധിച്ചില്ല. ഒപ്പമുണ്ടായിരുന്നവരെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടു നൽകും.
https://www.facebook.com/Malayalivartha