കാലിക്കറ്റ് സര്വകലാശാലയ്ക്ക് കിഫ്ബിയില്നിന്ന് പരമാവധി ഫണ്ട് എത്തിക്കുമെന്ന് വിസി
കാലിക്കറ്റ് സര്വകലാശാലയുടെ പുതിയ വിസി ആയി ചുമതലയേറ്റ ശേഷം നടന്ന സ്വീകരണ സംഗമത്തില് പ്രസംഗിക്കവേ, കേരളത്തിലെ ഏറ്റവും വലിയ സര്വകലാശാലയായ കാലിക്കറ്റിന്റെ വളര്ച്ചയ്ക്ക് എല്ലാ വിഭാഗങ്ങളുടെയും അഭിപ്രായം സ്വീകരിച്ച് തന്റേതായ പങ്ക് നിര്വഹിക്കുമെന്ന് വിസി ഡോ. എം.കെ.ജയരാജ് പറഞ്ഞു.
സര്വകലാശാലയ്ക്ക് സംസ്ഥാന സര്ക്കാരിന്റെ കിഫ്ബി ഫണ്ടില് നിന്ന് പരമാവധി സഹായം ലഭ്യമാക്കാന് ശ്രമിക്കും. വിദ്യാര്ഥികളുടെ സംരംഭങ്ങള്ക്ക് പ്രോത്സാഹനം നല്കാനും പദ്ധതിയുണ്ട് -വിസി പറഞ്ഞു.
പുതിയ വിസി ഡോ. എം.കെ.ജയരാജിന്റെ അധ്യക്ഷതയിലുള്ള പ്രഥമ സിന്ഡിക്കറ്റ് യോഗത്തില് ഇന്ന് കാലിക്കറ്റ് സര്വകലാശാലാ യൂണിയന് തിരഞ്ഞെടുപ്പ് മുടങ്ങിയ വിഷയം പരിഗണനയ്ക്ക്. കാലിക്കറ്റ് സര്വകലാശാലാ ക്യാംപസില് ഫുട്ബോള് അക്കാദമി സ്ഥാപിക്കാന് സ്പോര്ട്സ് അതോറിറ്റി ഓഫ് ഇന്ത്യയുമായി (സായ്) കരാറിലെത്തുന്നതിനു മുന്നോടിയായുള്ള മാര്ഗരേഖയും ഇന്നത്തെ യോഗം പരിഗണിക്കും.
1,3 സെമസ്റ്റര് ബിരുദാനന്തര ബിരുദ പരീക്ഷാ നടത്തിപ്പ് ചുമതല കോളജുകള്ക്ക് നല്കാനുള്ള ശുപാര്ശയും മുന്നാക്ക വിഭാഗങ്ങളിലെ സാമ്പത്തികമായി പിന്നാക്കമുള്ള വിദ്യാര്ഥികള്ക്ക് ന്യൂനപക്ഷ കോളജുകളില് സീറ്റ് സംവരണം ഇല്ലെന്നത് അടക്കമുള്ള അഡ്മിഷന് മോണിറ്ററിങ് കമ്മിറ്റിയുടെ ശുപാര്ശകളും അജന്ഡയിലുണ്ട്.
കാലിക്കറ്റ് വിസിയുടെ ചുമതലയില് നിന്ന് ഒഴിഞ്ഞ ഡോ. അനില് വള്ളത്തോളിന് യാത്രയയപ്പ് നല്കിയ യോഗത്തില് സിന്ഡിക്കറ്റ് അംഗം കെ.കെ. ഹനീഫ അധ്യക്ഷത വഹിച്ചു. റജിസ്ട്രാര് ഡോ. സി.എല്.ജോഷി, പരീക്ഷാ കണ്ട്രോളര് ഡോ. സി.സി.ബാബു, സിന്ഡിക്കറ്റ് അംഗങ്ങളായ ഡോ. ജി.റിജുലാല്, എം.കെ.രമേഷ് ബാബു, ഡോ. പി.റഷീദ് അഹമ്മദ്, ഡോ. കെ.പി.വിനോദ് കുമാര്, ഡോ. എം.മനോഹരന്, ഫിനാന്സ് ഓഫിസര് ജുഗല് കിഷോര്, സെനറ്റ് അംഗം വിനോദ് എന്. നീക്കാമ്പുറത്ത്, കെ.വിശ്വനാഥ് തുടങ്ങിയവര് പങ്കെടുത്തു.
https://www.facebook.com/Malayalivartha