എന്‍ഐയുടെ അന്വേഷണ രീതികള്‍ സ്വപ്നയെയും സന്ദീപിനെയും സരിത്തിനെയും ഭീകരരാക്കുമോ; സ്വര്‍ണക്കടത്ത് രാജ്യദ്രോഹക്കുറ്റമോ?; കേരളത്തിലെ ആദ്യ ഭീകര പട്ടികയിലുള്‍പ്പെടുന്ന സ്ത്രീയാകുമോ സ്വപ്ന സുരേഷ്
സ്വപ്ന സ്വര്‍ണക്കടത്ത് കേസില്‍ എന്‍ഐഎ വന്നതോടുകൂടി, രാജ്യസുരക്ഷ, ഭീകരര്‍, എന്നരീതിയിലേക്ക് ചര്‍ച്ചകളും അന്വേഷണങ്ങളും വഴിമാറി. സ്വര്‍ണക്കടത്തില്‍ ഭീകരര്‍ക്ക് ബന്ധമുണ്ട് എങ്കില്‍ സ്വാഭാവികമായും സ്വപ്നയും സന്ദീപും സരിത്തുമൊക്കെ ഭീകരരാവില്ലേ.. അങ്ങനെ വരുമ്പോള്‍ ഇവരെ ഉടനെ തന്നെ ഭീകരരായി പ്രഖ്യാപിക്കുമോ എന്നുള്ള സംശയം പലര്‍ക്കും ഉണ്ടാകാം. നാം കേട്ടിട്ടുള്ള ഭീകര സംഘടനകള്‍ ജെയ്ഷെ മുഹമ്മദ്, ഹിസ്ബുള്‍ മുജാഹുദീന്‍, ഐഎസ്, അല്‍ഖ്വയ്ദ, എന്നിവയൊക്കെയാണ് ഈ സംഘടനയിലൊക്കെ പെട്ടവരെയാണ് സാധാരണ ഭീകരരെന്ന് പറയാറുള്ളതും, എന്നാല്‍ ഇതുപോലെ, സംഘടനകളെ മാത്രമല്ല വ്യക്തിയെയും ഭീകരനായി പ്രഖ്യാപിക്കാന്‍ എന്‍ഐഎയ്ക്ക് അധികാരം ഉണ്ട്. കൂടുതല്‍ അധികാരങ്ങള്‍ നല്‍കുന്ന വിധം എന്‍ഐഎ നിയമവും യുഎപിഎ നിയമവും അതായത് നിയമവിരുദ്ധ പ്രവര്‍ത്തന നിരോധന നിയമം ഭേദഗതി ചെയ്യാനുള്ള ബില്ലുകള്‍ക്ക് കേന്ദ്ര മന്ത്രിസഭ അംഗീകാരം നല്‍കിയിട്ടുണ്ട്. അതിനാല്‍ ഇന്ത്യക്കാര്‍ ഉള്‍പ്പെടുന്ന വിദേശത്തെ ഭീകര പ്രവര്‍ത്തനങ്ങളിലും കേസെടുക്കാന്‍ അധികാരം ഉണ്ട്. സൈബര്‍ കുറ്റകൃത്യങ്ങളും മനുഷ്യക്കടത്തും ഉള്‍പ്പെടെയുള്ള വിഷയങ്ങളും എന്‍ഐഎക്ക് അന്വേഷിക്കാനാകും. അങ്ങനെ വരുമ്പോള്‍ എന്തെങ്കിലും തരത്തില്‍ ഇവര്‍ക്ക് ഭീകര ബന്ധമുണ്ടെങ്കില്‍ ഇവരും ഭീകരരാക്കപ്പെടും
ഇനി സ്വര്‍ണക്കടത്ത് രാജ്യദ്രോഹക്കുറ്റമാണോ എന്നു സംശയമുള്ളവരുണ്ടാകും. സ്വര്‍ണക്കടത്ത് കൊണ്ടു ലഭിക്കുന്ന പണം ഉപകരിക്കുന്നത് കൂടുതലും തീവ്രവാദ ബന്ധത്തിനാണ്. ഇതില്‍ നിന്നുള്ള കള്ളപ്പണത്തിന്റെ ക്രയവിക്രയം രാജ്യത്തിന്റെ സാമ്പത്തിക സ്ഥിതിയെ ബാധിക്കും ആയതിനാല്‍ തന്നെ ഇതും രാജ്യദ്രോഹ കുറ്റം തന്നെയാണ്.
നേരത്തേ ഇതൊന്നു എന്‍ഐയുടെ പരിധിയില്‍ വരുന്ന കാര്യമായിരുന്നില്ല. മുംബൈ ഭീകരാക്രമണത്തിനു ശേഷമാണ് എന്‍ഐഎ നിയമം 2008 ല്‍ യുപിഎ സര്‍ക്കാര്‍ പാസാക്കിയത്. ദേശീയ അന്വേഷണ ഏജന്‍സി നിലവില്‍ വന്നത് 2009 ജനുവരി ഒന്നിന്. ഡല്‍ഹി ആസ്ഥാനമായുള്ള ഏജന്‍സിക്ക് കൊച്ചി ഉള്‍പ്പെടെ 8 ശാഖകളാണുള്ളത്. ഇതുവരെ അതായത് ജൂലൈ വരെ അന്വേഷിച്ചത് 272 കേസുകളാണ്. അതില്‍തന്നെ 199 എണ്ണത്തിന്റെയും കുറ്റപത്രം സമര്‍പ്പിച്ചുകഴിഞ്ഞു. ഇതില്‍ 51 എണ്ണത്തില്‍ കോടതി വിധി പുറപ്പെടുവിച്ചു. അതില്‍ 46 എണ്ണത്തില്‍ ശിക്ഷ നടപ്പാക്കി. ഇതില്‍നിന്ന് വ്യക്തമാക്കപ്പെടുന്ന ഒരു കാര്യമുണ്ട് കേരളത്തില്‍ മുമ്പ് അന്വേഷിക്കപ്പെട്ടിട്ടുള്ള മറ്റു സ്വര്‍ണ്ണക്കടത്തുപോലെ കടത്തിന്റെ ബുദ്ധികേന്ദ്രത്തിലെത്താതെ പോകുന്ന സ്ഥിതിവിശേഷം ഉണ്ടാകില്ല, എല്ലാ കണ്ണികളെയും അടപടലം പൂട്ടിയ ശേഷമായിരിക്കും അവരുടെ മടക്കം, കേരളത്തില്‍ എന്‍ഐഎ അന്വേഷിക്കുന്ന മുപ്പതോളം കേസുകളുണ്ടെന്നാണ് ലഭിക്കുന്ന വിവരം.
നമ്മുടെ രാജ്യത്തെവിടെയും തീവ്രവാദവുമായി ബന്ധപ്പെട്ട സംഭവങ്ങള്‍ ഏജന്‍സിക്ക് അന്വേഷിക്കാം. രാജ്യത്തിന്റെ പരമാധികാരം, സുരക്ഷ, അഖണ്ഡത തുടങ്ങിയവയെ ബാധിക്കുന്ന കേസുകളും അന്വേഷണ പരിധിയില്‍ വരും. ആയുധം, ലഹരിമരുന്ന്, കള്ളനോട്ട്, കള്ളപ്പണം, സ്വര്‍ണക്കടത്ത് കേസുകളും ഉള്‍പ്പെടും. അതുപോലെതന്നെ വിദേശ രാജ്യങ്ങളില്‍ ഇന്ത്യയുടെ എംബസി, വിദേശ ഇന്ത്യക്കാര്‍ എന്നിവര്‍ക്കു നേരെയുണ്ടാകുന്ന തീവ്രവാദ ആക്രമണങ്ങള്‍ എന്നിവ അന്വേഷിക്കാന്‍ എന്‍ഐഎയ്ക്ക് അധികാരം ഉണ്ട്. ഇതിനായി വിദേശ രാജ്യങ്ങളുടെ സഹകരണം നയതന്ത്രതലത്തില്‍ ഉറപ്പാക്കും. സ്വപ്ന കേസിലും അത്തരത്തിലുള്ള സഹകരണം ഉറപ്പാക്കുന്നുണ്ട്. രാജ്യ സുരക്ഷയാണ് വിഷയം എന്നുള്ളതുകൊണ്ടുതന്നെ ഇനി പ്രതികളായ സ്വപ്നയും സന്ദീപും സരിത്തുമൊക്കെ ഭീകരരായി പ്രഖ്യാപിക്കപ്പെടുമോ എന്ന് കാത്തിരുന്ന് കാണാം.
https://www.facebook.com/Malayalivartha
