പത്മനാഭ സ്വാമി ക്ഷേത്ര വിധിക്കെതിരെ സെബാസ്റ്റ്യന് പോള്; വിധി ഭരണഘടനാ വിരുദ്ധമായി തിരുവനന്തപുരം ജില്ലാ ജഡ്ജി ഹിന്ദു സംവരണം നല്കുന്നത്; സുപ്രീംകോടതി വിധിയെ വിമര്ശിച്ച് ഫെയ്സ്ബുക്ക് പോസ്റ്റിലൂടെ
പത്മനാഭ സ്വാമി ക്ഷേത്രത്തെ സംബന്ധിച്ച് സുപ്രീം കോടതിയുടെ വിധിക്കെതിരെ ഇടതുസഹയാത്രികനും എഴുത്തുകാരനും മുന് ലോക്സഭാംഗവുമായ സെബാസ്റ്റ്യന് പോള്. പദ്മനാഭ സ്വാമി ക്ഷേത്രത്തിലെ ഭരണസമിതിയുടെ അധ്യക്ഷന് തിരുവനന്തപുരം ജില്ലാ ജഡ്ജി ആയിരിക്കണമെന്നും, അദ്ദേഹം ഹിന്ദു ആയിരിക്കണമെന്നും വിധിയില് പറയുന്നുണ്ട്. ഇതിനെക്കുറിച്ചാണ് സെബാസ്റ്റ്യന് പോള് ഫേസ്ബുക്ക് കുറിപ്പിലൂടെ പ്രതികരിച്ചിരിക്കുന്നത്. ഭരണഘടനാവിരുദ്ധമായ ഹിന്ദു സംവരണമാണ് തിരുവനന്തപുരം ജില്ലാ ജഡ്ജിയുടെ കാര്യത്തില് ഉണ്ടായിരിക്കുന്നതെന്നും, ഹിന്ദു അല്ലാത്തയാള്ക്കും തിരുവനന്തപുരം ജില്ലാ ജഡ്ജി ആയിരിക്കുന്നതിന് അവകാശമുണ്ടെന്നും അദ്ദേഹം കുറിപ്പിലൂടെ പറയുന്നു. ഭരണഘടനയ്ക്ക് യോജിക്കുന്ന ഒരു തിരുത്ത് ഇക്കാര്യത്തില് സുപ്രീം കോടതിയില് നിന്ന് സംസ്ഥാന സര്ക്കാര് സമ്പാദിക്കണമെന്നും സെബാസ്റ്റ്യന് പോള് കുറിച്ചു.
ഫേസ്ബുക്ക് പോസ്റ്റിന്റെ പൂര്ണ്ണരൂപം
ശ്രീ പദ്മനാഭ സ്വാമി ക്ഷേത്രക്കേസിലെ സുപ്രീം കോടതി വിധിയിലൂടെ തിരുവനന്തപുരം ജില്ലാ ജഡ്ജിയുടെ പദവി ഹിന്ദുക്കള്ക്കായി സംവരണം ചെയ്തിരിക്കുന്നു. ഭരണസമിതിയുടെ അധ്യക്ഷന് തിരുവനന്തപുരം ജില്ലാ ജഡ്ജി ആയിരിക്കണമെന്നും, അദ്ദേഹം ഹിന്ദു ആയിരിക്കണമെന്നും വിധിയില് പറയുന്നു. ഭരണഘടനാവിരുദ്ധമായ ഹിന്ദു സംവരണമാണ് തിരുവനന്തപുരം ജില്ലാ ജഡ്ജിയുടെ കാര്യത്തില് ഉണ്ടായിരിക്കുന്നത്. ഹിന്ദു അല്ലാത്തയാള്ക്കും തിരുവനന്തപുരം ജില്ലാ ജഡ്ജി ആയിരിക്കുന്നതിന് അവകാശമുണ്ട്. യോഗ്യനായ ഒരു ഹിന്ദു ജഡ്ജിയെ ഭരണസമിതി അധ്യക്ഷസ്ഥാനത്തേക്ക് നിര്ദേശിക്കുന്നതിനുള്ള അധികാരം ഹൈക്കോടതിക്ക് നല്കിയാല് പ്രശ്നത്തിന് പരിഹാരമാകും. ഭരണഘടനയ്ക്ക് അനുയോജ്യമായ ഒരു തിരുത്ത് ഇക്കാര്യത്തില് സുപ്രീം കോടതിയില്നിന്ന് സംസ്ഥാന സര്ക്കാര് സമ്പാദിക്കണം.
https://www.facebook.com/Malayalivartha