സ്വര്‍ണക്കടത്തുമായി ബന്ധപ്പെട്ട് തിരുവനന്തപുരത്തെ സ്റ്റാച്യുവില്‍ സെക്രട്ടേറിയേറ്റിനടുത്തുള്ള ആഡംബര ഹോട്ടലില്‍ പരിശോധന നടത്തി കസ്റ്റംസ് ഉദ്യോഗസ്ഥര്‍. പരിശോധനയെ തുടര്‍ന്ന് ഹോട്ടലിലെ സി.സി.ടി.വി ദൃശ്യങ്ങളും സന്ദര്‍ശക രജിസ്റ്ററിലെ വിവരങ്ങളും ഉദ്യോഗസ്ഥര്‍ ശേഖരിച്ചിട്ടുണ്ട്.

സ്വര്‍ണക്കടത്ത് കേസുമായി ബന്ധപ്പെട്ട നിര്‍ണായക തെളിവുകള്‍ ഇവിടെ നിന്നും ലഭിച്ചതായാണ് വിവരം. കേസിലെ പ്രതികളായ സ്വപ്ന സുരേഷും സരിത്ത് കുമാറും ഈ ഹോട്ടലില്‍ സ്ഥിരമായി എത്താറുണ്ടായിരുന്നുവെന്ന വിവരവും കസ്റ്റംസിന് ലഭിച്ചിട്ടുണ്ട്. ഇത് കൂടാതെ, ഹോട്ടലില്‍ മുറിയെടുത്ത നാല് പേരെ കേന്ദ്രീകരിച്ചും അന്വേഷണമുണ്ടാകുമെന്നും വിവരമുണ്ട്.