സ്വര്ണ്ണക്കടത്ത് കേസിലെ മുഖ്യപ്രതികളിലൊരാളായ സന്ദീപിന്റെ ബാഗ് തുറന്ന് പരിശോധിക്കുന്നതില് കോടതി തീരുമാനം ഇന്നുണ്ടായേക്കും, സ്വപ്നയെയും സരിത്തിനെയും ഇന്നും ചോദ്യം ചെയ്യും
സ്വര്ണ്ണക്കടത്ത് കേസിലെ മുഖ്യപ്രതികളിലൊരാളായ സന്ദീപിന്റെ ബാഗ് തുറന്ന് പരിശോധിക്കുന്നതില് കോടതി തീരുമാനം ഇന്നുണ്ടായേക്കും. നിര്ണായക തെളിവുകള് അടങ്ങിയ ബാഗ് കോടതിയുടെ സാന്നിധ്യത്തിലാണ് തുറക്കുന്നത്. സ്വപ്നയെയും സരിത്തിനെയും ഇന്നും ചോദ്യം ചെയ്യും. കസ്റ്റംസ് കേസിലെ ഒന്നാംപ്രതി സരിത്തിന്റെ കസ്റ്റഡി കാലാവധി ഇന്നവസാനിക്കും.എന്.ഐ. എ സംഘം താങ്ങി പിടിച്ചു കൊണ്ടു പോകുന്ന സീല് ചെയ്ത ഈ ബാഗില് കേസിനു വഴിത്തിരിവാകുന്ന തെളിവുകള് ഉണ്ടെന്നാണ് കണക്കു കൂട്ടുന്നത്.
സന്ദീപ് നായര് സ്വര്ണം അയച്ച ആളുകളുടെ പേര് വിവരങ്ങള്, നയതന്ത്രചാനല് വഴി സ്വര്ണം കടത്തിയപ്പോള് ഇടപെട്ട ഉന്നതരുടെ വിവരങ്ങള് തുടങ്ങി നിരവധി വിലപ്പെട്ട വിവരങ്ങള്. കൊച്ചിയിലെ എന്.ഐ.എ കോടതിയുടെ സാന്നിധ്യത്തിലാണ് അന്വേഷണ സംഘം ബാഗ് തുറക്കുന്നത്. കസ്റ്റംസ് റജിസ്റ്റര് ചെയ്ത കേസിലെ ഒന്നാം സരിത്തിനെ ചോദ്യം ചെയ്തതില് നിന്നാണ് കെ.ടി. റമീസ് മുതല് ജലാല് വരെ പിടിയിലായത്.
https://www.facebook.com/Malayalivartha