സ്വർണക്കടത്ത് കേസിൽ മൂന്ന് പേർക്കൂടി അറസ്റ്റ്സ്റ്റിൽ. കസ്റ്റംസ് ആണ് ഇവരെ അറസ്റ്റ് ചെയ്തത് . മൂവാറ്റുപുഴ സ്വദേശി ജലാൽ, മലപ്പുറം സ്വദേശികളായ മുഹമ്മദ് ഷാഫി, അംജത്ത് അലി എന്നിവരാണ് അറസ്റ്റിലായിയിരിക്കുന്നത്. ഇവർ സ്വർണക്കടത്തിൽ വലിയ നിക്ഷേപം നടത്തിയിരുന്നവരാണെന്നാണ് കസ്റ്റംസ് നൽകുന്ന വിശദീകരണം. ഇന്നലെ ഇവരെ കസ്റ്റഡിയിൽ എടുത്തിരുന്നു.

നേരത്തെ അറസ്റ്റ് ചെയ്ത കെ.ടി റമീസിനെ ചോദ്യം ചെയ്തതിൽ നിന്നാണ് തുടർ അറസ്റ്റുകൾ ഉണ്ടായത്. സ്വർണക്കടത്തിൽ അറസ്റ്റിലായവർക്കെല്ലാം നിർണായക പങ്കുണ്ടെന്നും തുടർന്നും അറസ്റ്റുകൾ ഉണ്ടാകുമെന്നുമാണ് കസ്റ്റംസ് നൽകുന്ന സൂചന. കേരളത്തിലെത്തുന്ന സ്വർണത്തിന് കച്ചവടം ഉറപ്പിക്കുകയും വിതരണം ചെയ്യുകയും ഇതിനുവേണ്ട ഫണ്ട് കണ്ടെത്തുകയും ചെയ്യുന്നത് ഇവരാണെന്നാണ് സൂചനകൾ പുറത്ത് വരുന്നത് . അറസ്റ്റ് ചെയ്ത മൂന്ന് പേരെയും കൊച്ചിയിലെ സാമ്പത്തിക കുറ്റകൃത്യങ്ങള്‍ക്കായുള്ള കോടതിയില്‍ ഹാജരാക്കുവനാണ് പദ്ധതി.